ب سهرپهرشتییا ماجد سهید سالح پارێزگارێ دهوكێ ب وهكالهت و چهند لایهنێن پهیوهندیدار كومبونهك بۆ دانانا پلانهكا گونجای دپروسا وهرزێ دروین و وهرگرتنا گهنمیدا هاته كرن و تێدا بریار هاته دان، پلانا وهرگرتنا گهنمێ جووتیارا بو وهرزێ 2023ێ ل دووڤ سنورێ جوگرافی بهێته بهلافكرن.
دكۆمبوونێدا ههرسێ سایلویێن ( شێخان، فهیدییێ و زاخۆ ) بۆ وهرگرتنا بهرههمێ جووتیاران هاتنه دهسنتیشنانكرن، و گهنم ههموو دێ ب پله ئێك هێته هژمارتن، ههموو ئاسانكاری بۆ جووتیاران ل ژێر چاڤدێرییا لیژنێن لایهنێن پهیوهندیدار دێهێنهكرن، ب چ رهنگان ژی رێ ناهێتهدان گهنمێ ژدهرڤهی پارێزگههێ دهربازی پارێزگههێ و سایلویێن ناڤبری ببیت، ئاسانكاری بۆ وهرگرتنا ئامیرێن دورینا گهنمی دێ هێنهكرن، پێشبینی دهێتهكرن دئهڤسالهدا ل سنورێ پارێزگهها دهوكێ (382)هزار تهنێن گهنمێ جووتیاران بهێنه وهرگرتن.
پارێزگارێ دهوكێ ب وهكالهت لایهنێن پهیوهندیدار یێن هاتنووچوونێ و ئێمناهییێ و چاندنێ و بهرگرییا شارستانی و ساخلهمییێ و ئیدارێن سایلویان راسپاردن ب باشترین شێوه دخزمهتا وێ پروسێ دابن.
