ب تۆمەتا ئینانا ب دەهان بارهەلگرێن تڕۆمبێلێن مەلیکە کو ئینانا وان قەدەغەیە، تیما دەستەیا دەستپاکییا فیدڕالی شیان ڕێڤەبەرێ گومرکا ئوم قەسر یا باکوور و دوو ئەندامێن لژنەیا پشکنینا گومرکی دەستەسەر بکەن.
ل گۆرەی ڕاگەهاندنەکا پشکا ڤەکۆلینا دەستپاکییێ، تیمێ ڕێڤەبەرییا ڤەکۆلینا بەسڕا شیان ڕێڤەبەرێ گومرکا ئوم قەسر یا باکوور و دوو ئەندامێن لژنەیا پشکنینا گومرکی دەستەسەر بکەن، ب تۆمەتا هەڤپشکیکرنێ د دەربازکرنا ئەوان ماددەیان دا کو ئینانا وان قەدەغەیە.
دیارکریە ژی، د ئۆپەڕاسیۆنێدا دەست ب سەر 46 بارهەلگران دا هاتیە گرتن کو 68 تڕۆمبێلێن ژ جۆرێ (مەلیکە) یێن ژێر مۆدێل تێدابوون.
دەستەیا دەستپاكییێ ئاماژە کریە، تیما وان پشكنین بۆ قات و شوقەیێن ئاکنجیبوونا تۆمەتبارێن هاتینە دەستەسەرکرن کریە و ل وێرێ دەست ب سەر کۆژمێ 33 هزار دۆلار و سێ ملیۆن و 800 هزار دیناراندا گرتیە.
