کاوار نێروەیی
راستی یەکا حاشا هەلنەگرە، کو روویدانا هێرشکرنا ل سەر مزگرفتا ( رەحمان ) هەستێ موسلمانان بریندارکریە…
لێ دڤێت ئەم موسلمان ل سەرخو، بەرپرسیارانە سەرەدەریێ دگەل ڤێ بوویەرێ بکەین و وێنێ گشتیێ بابەتی بینینە پێش چاڤێن خو، پاشان خواندنێ بۆ بکەین.
ژبیر نەکەین هندەک هێزێن د ناڤا شنگالێ دا، پرۆژێن وان د شەپرزەیی و تێکدان و فەوزێ دا گەشە دکەن.
لەوما رویدانا شنگالێ بابەتەکێ چێکریێ سیاسی دبینم، ژلایێ هێزێن هەژمونخواز و خوسەپینێن دەڤەرێ، کو ب هەمی رەنگان کار لسەر تێکدانا پێکڤەژیانا کوردستانێ دکەن، ئەڤ چەندەژی ب رێکا کەسێن نەفس نزم و خۆفرۆش بۆ دروستکرنا ئالۆزی و ئاریشە و شەڕێن ئاینی و مەزهەبی درێژیێ ب پرۆژێن خۆیێن چەپەل بدەن.
گرنگە بزانین رویدانێت ب ڤی شێوەیی وەکی برینەکا عەداف گرتیە، دڤێت چارەسەرکرنا وێ گەلەک ب شارەزایی و لێزانانە و بەرپرسانە بهێتەکرن. ئەگەر نە برین مەزنتر و خراپتر لێ دهێت…!
بۆ ڤێ چەندێ ژی گرنگە ئەڤ چەندە ژ لایێ پەیوندیدارێن ئیزدیان ڤە بهێنە ئیدانەکرن و هاریکاربن دگەل لایەنێن پەیوەندیدارێن حکومی بۆ سزادانا کەسێن توندرەوێن هێرشکەر، یا گرێدایی مە موسولمانان ڤە ژی گرنگە خودانێ هەلویستەکێ ئارام و بەرپرسانە بن و ریسالا ئیسلامێ ب هەلویستێن خۆ یێن جوان بگەهینن و نەهێلن ڕەوش بگەهیتە ئاستەکێ کو ئەو پێکڤەژیانا سەدان سالا بێتە ژناڤبرن.
