رێڤەبەریا گشتی یا کاروبارێن ئێزدیان د ڕۆهنکرنەکێدا ڕاگەهاندیە، “ئەڤە دەمەکێ درێژە دەڤەرا شنگال رۆژانە تووشی روودانێن نە خوازراو دبیت، دیارە کو هەر کارەکێ تێکدەرانە ل وێ دەڤەرێ ژبەر نەبوونا ڕەوشا ئارامیێ یە ودیسان هەبوونا هێزێن نەیاسایی هەموو کنارێن ژیانێ ئالۆزکرینە و ئەڤ چەندە ژی ژ ئەگەرێ سیاسەتا نەدروستە ژئالیێ حکومەتا عیراقێ ڤە.”
ئاماژە کریە،” ئەو ل رێڤەبەریا گشتی هەر جۆرە سڤکاتیەکێ ب هەر ئاینەکی بیت شەرمەزار دکەن و داخوازێ دکەن هەر کەسێ ببیتە ئەگەرێ لاوازکرن و تێکدانا ڕەوشا ئارام یا هەرێما کوردستانێ ب گەهیتە سزایێ خۆ یێ دادپەروەرانە.”
دیارکریە ژی،”هەموو جاران ئەم داکۆکیێ ل خۆپێشاندانێن ئاشتیانە دکەین، لێ بێڕێزیکرن ب هەر پیرۆزیەکێ نە ژ ڕەوشتێ تاکێ ئێزدییە، لەوا ئێزدی ڤان جۆرە کاران ناکەن و هێرش نەهاتیە کرن چونکی ئەڤە چەندین سالان پشتی نەمانا داعش هەموو جهێن پیرۆز ییێن ئاینێندەڤەرێ ژئالیێ ئێزدیان ڤە هاتینە پاراستن
و ئەم دووپات دکەین تاکە چاسەریا ڤێ رەوشا ئالۆز جێبەجێکرنا رێکەفتنا هەولێر و بەغدایە.”
گوتیە ژی:” دهەمان دەمدا ئەم دبینین هەر پۆستەکی دسۆشیال میدیا دا بەلاڤ بوویی بزاڤا تێکدانێ یە و چەواشەکاریە بۆ لاوازکرنا ئاشتەواییا جڤاکی و سەقامگێریا دەڤەرێ و ڤێ چەندێ ئەم ب تووندی شەرمەزار دکەین.”
ل دوماهیێ ژی ئاماژە کریە، “جارەکادی داخوازێ ژ هەموو لایەکی دکەین کو هندەک تێکدەر هەنە دخوازن دەرزەکێ بێخنە وی دیوارێ کوردستانێ ئاڤاکری بۆ هندێ هەموو پێکهاتە ب مافێن خۆ شاد نەبن و ئەم ل وێ باوەریێ نە کو خەلکێ مە یێ هوشیاری ڤان پلانێن نەحەزایە.
