ڕاگەهاندنەک ژ وەزارەتا ئەوقافا حکومەتا هەرێما کوردستانێ
دوهی پێنج شەمبی 27ی نیسانا 2023 ژ ئەنجامێ گرژی و ئاڵۆزییێن دەڤەرا شەنگالێ ل دژی ڤەگەریانا هژمارەکا خێزانێن عەرەب بۆ دەڤەرێ، ئاڵۆزی پەیدابوون، ب وێ ئەگەرێ ژی ژمارەیەکا کەسان ھێرش کریە سەر حەرەما مزگەڤتا وی باژێڕی.
ئەم ل وەزارەتا ئەوقاف و کاروبارێن ئایینی ب توندی ئیدانەیا بێڕێزی و دەستدرێژکرنا سەرمزگەڤت و ھەرناڤەندەکا دی یا ئایینی دکەین، وەسا دبینین ئەڤ کارێ نە ڕەوا دوورە ژ ئاداب و نەریتا ڕەسەنا ئایینی و کوردەواری و بزاڤەکا پلان داڕێژتییە بۆ تێکدانا ئاشتییا جڤاکی و ئایینی ل دەڤەرێ، لەوڕا ھەموو ئەو لایەنێن کو ناهێلن ڕەوشا شنگالێ ئاسایی ببیتەڤە، بەرپرسێن ئێکێنە ژ ڤێ روودانێ کو بەردەوام ڕۆلێ تێکدانێ ل دەڤەرێ دبینن.
ئەڤ جۆرێن کردارێ پلانا کەسایە و پەیوەندی ب هیچ ئایینەکێڤە نینە، لەوڕا داخوازێ ژ لایەنێن پەیوەندیدارێن حکومەتا عێراقا فیدراڵ دکەین، بەرپرسانە سەرەدەریێ ل گەڵ رەوشا شنگالێ بکەن و بکەرێن ڕوودانێ دەستنیشان بکەن و ڕووبڕووی سزایێن یاسایی بکەن.
وەزارەتا ئەوقاف و کاروبارێن ئایینی
٢٨⁄٤⁄٢٠٢٣
