دەمێ پەسەندکرنا بودجەیا عیراقێ هاتە دیارکرن

چارچوڤێ هەماهەنگییێ ڕادگەهینیت، چ ناکوکییێن سیاسی دەربارەی پڕۆژە یاسایا بودجەیا فیدڕال د ڕێکێدا نینن و ل ناڤەڕاستا هەیڤا بهێت پڕۆژە دێ هێتە پەسەندکرن.

عارف حومامی، ئه‌ندامێ چارچوڤێ هەماهەنگییێ دیاردکەت، چ ناکوکییێن سیاسی دەربارەی پڕۆژە یاسایا بودجەی دناڤبەرا هێز و لایەنان دا نینن و ئەو تێبینی یێن هەین، دێ لژنەیێن پەرلەمانی دگەل لایەنێن بجهئینانێ یێن حکومەتێ چارەسەر کەن.

حومامی ئاماژه‌ كر، ل گۆرەی ئەوێ کۆ دەنگییا ل پەرلەمانی هەی، ل ڤان نێزیکان و ل ناڤەڕاستا هەیڤا بهێت دێ پڕۆژە یاسایا بودجەی هێتە پەسەند کرن.

رۆژا 13 ئادارا 2023، جڤاتا وەزیرێن عیراقێ ڕەشنڤیسێ پڕۆژە یاسایا بودجەیا گشتی کو زێدەتری 198 ترلیۆن دینارانە پەسەندکر، ژ لایەکێ دیڤە د پرۆژە یاسایێدا ئاماژە کریە وەک پشکەک ژ ڕێککەفتنا دناڤبەرا دناڤبەرا هەولێر و بەغدا دا، پێدڤییە حکومەتا هەرێما کوردستانێ ڕۆژانە 400 هزار بەڕمیلێن نەفتێ بفرۆشیت.

پێشتر ژی پەیڤدارێ حکومەتا هەرێما کوردستانێ ڕاگەهاندبوو، پێشڤەچوون و لێکتێگەهشتنا باش دناڤبەرا هەولێر و بەغدا دا هەیە و دیارکربوو، د چارچووڤێ سەرەدانا سەرۆکوەزیرێن عیراقێ دا بۆ هەولێرێ، مەسرور بارزانی و محەمەد شیاع سوودانی د سەقایەکێ ئەرێنیدا ل سەر بەرداەوامییا کارێ پێکڤە و چارەسەرکرنا ئاریشەیان ل سەر بنەمایێ دەستووری و کارنامەیا پەسەندکری یا کابینەیا سوودانی ڕێککەفتبوون.