شاندەکێ فەرمیێ هەرێما کوردستانێ گەهشتە ویلایەتێن ئێکگرتی یێن ئەمریکا
ڕاگەهاندنا پارێزگەها دهۆکێ بەلاڤکریە، شاندەکێ فەرمییێ هەرێما کوردستانێ کو پێک دهێت ژ “د.عەلی تەتەر” پارێزگارێ دهۆکێ، “د.محەمەد شکری” سەرۆکێ دەستەیا وەبەرهێنانێ و خانم” روبینا عەزیز” ئەنداما پەرلەمانێ کوردستانێ و “ئەیاد عەبدولحەلیم” سەرۆکێ ژوورا بازرگانی و پیشەسازییا دهۆکێ، سەرەدانا ویلایەتێن ئێکگرتییێن ئەمریکا کریە و ژلایێ خانم ”بەیان سامی عەبدولرەحمان” نوونەرا حکومەتا هەرێما کوردستانێ هاتنە پێشوازیکرن.
گۆتییە ژی، سەرەدانا شاندێ ناڤبری بۆ ویلایەتا مشیگان ب مەرەما کۆمبوونێ دگەل بەرپرسێن حکومی و ژۆرا بازرگانییا کلدانییا ئەمریکی و سازییا رەڤەندا کلدانییان و کەسایەتییێن دی جڤاکێ کلدانییان و دوستێن هەرێما کوردستانێ یە.
د داخویانییەکێ بۆ دەزگەهێن راگەهاندنێ پارێزگارێ دهۆکێ مەرەما شاندێ هەرێما کوردستانێ بۆ ئەمریکا دیارکر و راگەهاند کار زێدەباری هژمارەکا دیدار و کۆمبوونان کار بۆ رێکەفتناما دەستە خۆیشکا دهۆک و دیترویت دهێتەکرن.
