لاھور جەنگی دێ پۆستێن ئێكه‌تییێ د حکومەتێ دا پر كه‌ت

ئەندامه‌كێ سەركرداتییا ئێكه‌تی نیشتمانی كوردستان ئاشكرا كر، ئەگەر قوباد تالەبانی و تیمێ ئێكه‌تییێ ڤه‌نه‌گه‌ریته‌ كۆمبوونێن جڤاتا وەزیران، دێ لاهوور جەنگی وەك هه‌ڤسەرۆكێ ئێكه‌تییێ، لیسته‌كێ پێشكێش كه‌ت بۆ پڕكرنا جهێ قوباد تالەبانی و وەزیرێن ئێكه‌تییێ.

ئەندامه‌كێ سەركرداتییا ئێكه‌تییێ یێ نێزیك لاهوور جەنگی ئاشكرا كر، دووماهی پەیام ئاراستەیی قوباد تاڵەبانی هاتییه‌ كرن” كو ئەگەر ڤه‌نەگەریته‌ڤه‌ كۆمبوونێن جڤاتا وەزیران، دێ لاهوور جەنگی پۆستێن ئێكه‌تییێ پر كه‌ت.

وی ژێده‌ری گۆتییه‌” لاهوور جەنگی هه‌ڤسەرۆكی ئێكه‌تییێ یه‌ و ب هەمان شێوێ بافل تالەبانی دەسهه‌لات هەیە، بریارا قوباد تالەبانی و تیمێ ئێكه‌تییێ بۆ ڤه‌كشانێ ژ حكومەتێ بێی پرس و ئاگه‌هدارییا لاهوور جەنگی بوویە، له‌وما ”ئەگەره‌كێ زۆر هه‌یە كو لاهوور جەنگی وەكو هه‌ڤسەرۆكێ ئێكه‌تییێ، ل گەل پارتی ڕێككەفتنه‌كێ بكه‌ت و تەعدیلا وەزاری ب هێته‌ كرن و پۆستێن ئێكه‌تییێ پر بكه‌ت.

د حالەتێ گوهۆرینێن ویزاری دا، بەربژارێن لاهوور جەنگی ب ڤی ره‌نگینه:

. لیوا چەتۆ سالح دێ بەربژار بیت بۆ پۆستێ جێگرێ سەرۆك وەزیران ل جهێ قوباد تالەبانی.

. بەختیار شاوەیس و پەروین كاكە حەمە دێ بەربژارێن وەزارەتێن پلاندانانێ و خواندنا بلند بن.

. پۆستێ وەزیرێ ره‌وشه‌نبیری دێ وەك خۆ مینیت، چونكی حەمەی حەمەسەعید ب تەمامی پابەندی بڕیارێن قوباد تالەبانی نەبوویە.

. وەزارەتا پێشمەرگەیی ب وەكالەت ژ لایێ بەربژاره‌كێ لاهوور جەنگی دێ هێته‌ برێڤه‌ برن” به‌لێ هێشتا بڕیارا دووماهییێ نه‌هاتییه‌ دان.