ڤێ حەفتییێ دادگەھا فیدرالی دێ بریارێ ل دۆر پەرلەمانێ کوردستانێ دەت

ئاژانسا خانی ” تایبەت:

بڕیارە ل دەستپێکا ھەیڤا بهێت دادگەھا فیدرالی ل دۆر درێژکرنا ژییێ پەرلەمانێ کوردستانێ کۆم ببیت و بەرپرسەکێ پارتی ژی دبێژیت، پێشبینی دھێتە کرن بریارا درێژکرنا ژییێ پەرلەمانی ب نەده‌ستووری بھێتە وەسفکرن.

ھه‌وار محەمەد، بەرپرسێ قانوونی ل پشکا ھەلبژارتنێن پارتی بۆ ئاژانسا خانی دیارکر” بڕیارە ل رۆژا ٣ی ھەیڤا گۆلانێ دادگەھا بلندا فیدرالی ل دۆر بڕیارا درێژکرنا ژییێ خۆلا پێنجێ یا پەرلەمانێ کوردستانێ کۆم ببیت و تێدا دادگەھا ناڤبری بریارا خوە بدەت ل دۆر بابەتێ درێژکرنا ژییێ پەرلەمانێ کوردستانێ، کو ژییێ پەرلەمانی ھاتییە درێژ کرن ھەتا دووماھییا ئەڤ سالە.

ناڤهاتی گۆت ژی” پێشبینی دھێتە کرن دادگەھا فیدرالی بڕیارا درێژکرنا ژییێ پەرلەمانێ کوردستانێ رەت بکەت و ب نەدەستووری وەسف بکەت، وی دەمی ژی دێ ھەرێما کوردستانێ کەڤیتە د قووناغا ڤالاھییا قانوونی و ڤێ چەندێ دێ کاریگەری یێن خوە ھەبن.