د. محه‌مه‌د شوكری: ل هەیڤا گولانێ دێ ده‌ست ب دروستكرنا یه‌كه‌یێن ئاکنجیبوونێ بـۆ هه‌ژار و كێمده‌رامه‌تان هێتە کرن

ئاژانسا خانی:

سەرۆکێ دەستەیا وەبەرھێنانێ ل ھەرێما کوردستانێ دیار كر، پشتی بریارا حکومەتا ھەرێما کوردستانێ بۆ دروستکرنا 20 ھزار یەکەیێن ئاکنجیبوونێ بۆ خەلکێ ھەژار و کێمدەرامەت، ل هەیڤا گولانێ دێ دەست ب دروستکرنا هەموو پرۆژان ل ھەرێما کوردستانێ هێتە کرن، هه‌روه‌سا ئەم ب ره‌نگه‌كێ بەردەوام کار دکەین، داكو ل ھەموو ده‌ڤه‌رێن ھەرێما کوردستانێ یەکەیێن ئاکنجیبوونێ بۆ خەلکێ ھەژار و کێمدەرامەت دروست بکەین، نوکە ئەم مژوولی تەمامکرنا رێکاراینە و ل هەیڤا گولانێ دێ ده‌ست ب دروستكرنا وان يه‌كه‌يان هێتە کرن.

د. محەمەد شوکری، زێدەتر بۆ ئاژانسا خانی گۆت: نوكه‌ پرۆسا کارکرنێ بۆ دەستپێکرنا دروستکرنا 20 ھزار یەکەیێن ئاکنجیبوونێ بۆ خەلکێ ھەژار و کێمدەرامەت یا بەردەوامە و ل دەستپێکا هەیڤا پێنج هەتا دووماهییا وێ هەیڤێ” دێ دەست ب دروستکرنا وان هەموو پرۆژان ل باژێرێن ھەرێما کوردستانێ هێنە کرن”.