بهرپرسێ لقا پێنجا بهغدا یا پارتى دیموكراتى كوردستان دگه ژمارهیهكا كادرێن وێ لقێ ل باژێر نهجهف یێ باشوورێ عیراقێ سهرهدانا مهزارێ لهیلا قاسم یا ناڤدار ب بووكا كوردستانێ كر و ئالایێ كوردستانێ ل سهر دانا.
لقا پێنجا پارتى دیموكراتى كوردستان بهلاڤكر، دكتۆره ئهشواق جاف ئهنداما كۆمیتهیا ناڤهندى و بهرپرسا لقا پێنج یا پارتى دیموكراتى كوردستان، ب ههڤالینییا شاندهكێ ئێكهتییا ژنێن كوردستانێ لقێ بهغدا، سهرهدانا مهزارێ شههید لهیلا قاسم بووكا كوردستانێ كر، شههید لهیلا قاسم ئێك ژ تێكۆشهرێن كورده و ب بووكا كوردستانێ هاتییه نیاسین و ئێكهم ژنه ل رۆژههلاتا ناڤهراست ژ ئهگهرێ بهرگریكرنێ ژ مافێن نهتهوهیهكى هاتییه سێدارهدان.
ئاماژه ب هندێ ژى دا، شههید لهیلا قاسم ل گوندێ بانمێل یێ سهر ب قهزایا خانهقین ژ دایك و بابهكێن كوردپهروهر ژ دایكببوو، لهیلا ژلایێ دهستههلاتدارێن بهعسڤه ب تومهتا بزاڤكرنێ بۆ پهقاندنا سینهمایهكێ ل باژێرێ بهغدا هاته دهستهسهركرن و ئهو تومهته دووربوو ژ راستییێ، بهلكو ژبهر چالاكییێن سیاسى یێن قوتابییێن كورد هاتبوو دهستهسهركرن و پشتى دادگههكرنهكا سهخته، دگهل چار كهسێن دى ل سپێدههییا 12ى گۆلانا 1974ێ هاته سێدارهدان.
ئهو سهرهدانا شاندێ لقا بهغدا یا پارتى ب ههلكهڤتا نێزیكبوونا سالرۆژا سێدارهدانا لهیلا قاسم و ههڤالێن وێ یه كو ژ ئهگهرێ كوردایهتییێ هاتبوونه شههیدكرن.
