سه‌رۆكوه‌زیران مه‌سرور بارزانى به‌هینامه‌یه‌ك بۆ وه‌غه‌ركرنا حه‌یده‌ر فه‌یلى به‌لاڤكر

سه‌رۆكێ حكومه‌تا هه‌رێما كوردستانێ به‌هینامه‌یه‌ك بۆ وه‌غه‌ركرنا حه‌یده‌ر فه‌یلى وه‌زیرێ پێشتر یێ ڤه‌گۆهاستن و گه‌هاندنێ ل حكومه‌تا هه‌رێما كوردستانێ به‌لاڤكر.

مه‌سرور بارزانى سه‌رۆكێ حكومه‌تا هه‌رێما كوردستانێ د به‌هینامه‌یا خوه‌دا راگه‌هاند، ب مخابنیڤه‌ نووچه‌یێ وه‌غه‌ركرنا دووماهى تێكوشه‌رێ ناڤدارێ كوردستانێ و وه‌زیرێ پێشتر یێ ڤه‌گۆهاستن و گه‌هاندنێ ل حكومه‌تا هه‌رێما كوردستانێ خۆدێ ژێ رازى حه‌یده‌ر فه‌یلى گه‌هشته‌ وى.

هه‌روه‌سا مه‌سرور بارزانى دبه‌هینامه‌یێدا دیاركر، ئه‌و سه‌ره‌خۆشییێ ل بنه‌مالا وى یا به‌رێز و كه‌سوكار و هه‌ڤالێن وى دكه‌ت و هه‌ڤخه‌مێ وانه‌، خودایێ مه‌زن گیانێ وى ل به‌هه‌شتێ شاد بكه‌ت و ئارامى و بهێنفره‌هییێ ب هه‌موویان بده‌ت.