<h3 style="text-align: justify;"><span style="font-size: 18pt;">سهرۆكێ ههرێما كوردستانێ راگههاند، ئاریشهیا سیاسى ل ههرێما كوردستانێ ههیه، لێ وان وهكو سهرۆكایهتییا ههرێما كوردستانێ بزاڤێن مهزن كرینه وان ئاریشهیان چارهرسهر بكهن و ببنه پرهك بۆ كۆمكرنا لایهنێن سیاسى و دبێژیت: بهغدا دگهل حكومهتا ههرێما كوردستانێ كو ژ بههرا پتر یا حزبان پێك دهێت سهرهدهرییێ دكهت.</span></h3> <h3 style="text-align: justify;"><span style="font-size: 18pt;">نێچیرڤان بارزانى سهرۆكێ ههرێما كوردستانێ د دیدارا عیراقێدا ل بهغدا پشكدارى د پانێلێ ههرێما كوردستانێ لایهنهكێ كارا ل گۆرهپانا نیشتیمانیدا كر و ل دۆر ههلبژارتنان راگههاند، وى ئهركێ خوه بجهئینا و داخواز ژ ههموو لایهنێن سیاسى كر پایهندى ئهوى دهمى بن یێ هاتییه دیاركرن، ههموو بزاڤێن وان ل سهرۆكایهتییا ههرێما كوردستانێ ئهون كو ههلبژارتن زێدهتر نههێنه پاشخستن.</span></h3> <h3 style="text-align: justify;"><span style="font-size: 18pt;">سهرۆكێ ههرێما كوردستانێ دپشكهكا دییا ئاخڤتنێن خوهدا بهحس ل ئاریشهیێن دناڤبهرا حزبێن سیاسییێن ههرێما كوردستانێدا كر و گوت: ئاریشهیا سیاسى دناڤبهرا لایهنێن سیاسیدا ههیه، لێ ههموو بزاڤێن وان ل سهرۆكایهتییا ههرێما كوردستانێ بۆ هندێ نه كو سهرۆكایهتى ببیته پرهك بۆ ئێكگههاندنا لایهنان و چارهسهركرنا ئاریشهیان.</span></h3>
