فارس عیسا: بریارە ڤێ حه‌فتییێ حکومەتا عێراقێ 400 ملیار دیناران بۆ هه‌رێمێ بهنێریت‌

ئاژانسا خانی:

سەرۆکێ نوونەراتییا حکومەتا ھەرێما کوردستانێ ل بەغدا دیار كر، حکومەتا عێراقێ بریار دایە 400 ملیار دیناران بۆ ھەرێما کوردستانێ بهنێرێت و بریاره‌ ل ڤێ حه‌فتییێ ئەم كوژمێ پارەیی بۆ ھەرێما کوردستانێ بهێته‌ ره‌وانه‌ كرن.

فارس عیسا، زێده‌تر بۆ ئاژانسا خانی گۆت: “حکومەتا عێراقێ بریار دایە کو 400 ملیار دینارێن هه‌یڤانە بۆ مووچەیێ فەرمانبەرێن ھەرێما کوردستانێ بهنێرێت و بریار ژی دەرچوویە و ب تنێ ئه‌و مایە كی وی پارەیی رەوانەیی ھەرێما کوردستانێ بكه‌ت”.

ناڤهاتی گۆت ژی: “بڕیارە ل ڤێ حه‌فتییێ حکومەتا عێراقێ وان 400 ملیار دیناران بۆ ھەرێما کوردستانێ بهنێرێت”.