جێگرێ سهرۆكوهزیرێن ههرێما كوردستانێ دەربارەی کۆمبوونا ئەڤرۆ دگەل سەرۆکوەزیران ڕاگەهاند،” پێکڤە دێ ب سەر ئالنگارییاندا زالبین.”
قوباد تالەبانی جێگرێ سهرۆكوهزیران د تویتەکێدا ڕاگەهاند،”نیڤرۆییا ئەڤرۆ مە خوارنەکا خۆش و بەرهەمدار دگەل مەسرور بارزانی، سەرۆکێ وەزیران هەبوو.”
گۆتژی:”ئەم پێکڤە د هەڤراینە ل سەر هندێ کو ئەم دشێین پێکڤە ب سەر ئالنگارییێن خۆ دا زالبین و کار بکەین بۆ باشتر خزمەتکرنا وەلاتییێن مە.”
هەروەسا گۆتی:”دا بهێز بمینین ل بەرامبەر ئەو مەترسییێن بەرهەنگاری هەرێما کوردستانێ دبن.”
کۆمبوونا ئەڤرۆ یا دناڤبەرا مەسرور بارزانی، سەرۆکوەزیرێن هەرێما کوردستانێ و قوباد تالەبانی، جێگرێ سەرۆکوەزیران دا، د سەقایەکێ ئەرێنی دا بوو و تێدا گۆتوبێژ لسەر کێشە و ئاریشەیێن دارایی و ئیداری یێن د رێیا حکومەتا هەرێمێ دا کرن و باس ل هەڤکارییا دناڤبەرا هەمی کوتلەیێن وەزاری یێن دناڤ کابینەیا حکومەتا هەرێما کوردستانێ دا کرن.
هەر وەسا ڕۆناهی ئێخستە سەر ڕەوشا سیاسی یا هەرێمێ و دەڤەرێ و دوپاتی ل سەر پاراستنا تەبایی و ئێکڕێزییا ناڤخۆ ژ پێخەمەت پاراستنا بەرژەوەندییێن نیشتیمانی و مافێن دەستووری یێن وەلاتییێن هەرێما کوردستانێ کر.
I had a pleasant and productive lunch with PM @MasrourBarzani today.
Together, we are united in the belief that we can overcome our challenges, work towards better serving our citizens, and remain strong in the face of the many threats facing the Kurdistan Region. pic.twitter.com/YJ1kDRxy6c
— Qubad Talabani (@qubadjt) May 8, 2023
