داخویانییا وه‌زاره‌تا دارایى ل دۆر به‌لاڤكرنا مووچه‌یێ هه‌یڤا نیسانێ

پشتى حكومه‌تا عیراقێ 400 ملیار دینار ئێخستینه‌ سه‌ر هژمارا هه‌رێما كوردستانێ، وه‌زاره‌تا دارایى و ئابوورى یا حكومه‌تا هه‌رێما كوردستانێ بریاردا ل ڤێ حه‌فتییێ ده‌ست ب به‌لاڤكرنا مووچه‌یێ هه‌یڤا نیسانێ بكه‌ت.

وه‌زاره‌تا دارایى یا هه‌رێما كوردستانێ راگه‌هاند، حكومه‌تا عیراقێ 200 ملیار دینار ئێخستنه‌ هژمارا بانكییا هه‌رێما كوردستانێ، كو ئه‌و 200 ملیاره‌ ب رێكا بانكا ره‌شید بۆ هه‌رێما كوردستانێ هاتینه‌ هنارتن.

ل دووڤ زانیارییان ل رۆژا پێنجشه‌مبییا بهێت دێ ده‌ست ب به‌لاڤكرنا مووچه‌یێ هه‌یڤا نیسانێ هێته‌كرن، كو د 24 ده‌مژمێرێن بهێن دا وه‌زاره‌تا دارایى دێ لیسته‌یا مووچه‌ى راگه‌هینیت و وه‌كو قه‌ره‌بوویا گیرووبوونا مووچه‌ى، بریاره‌ رۆژێن به‌لاڤكرنا مووچه‌ى بهێنه‌ كێمكرن و د رۆژا ئێكێ یا به‌لاڤكرنا مووچه‌یدا وه‌زاره‌تا ساخله‌مییێ و چه‌ند جهێن دى دێ مووچه‌ى وه‌رگرن.