د. نهوزاد هێتۆتی” مامۆستایێ زانستێن سییاسی ل زانكۆیا سهلاحهدین بۆ ئاژانسا خانی دیار كر : ئەگەر لایەنێن ئوپۆزسیۆنێ ب سەركرداتییا كلچدار ئۆغلویی د ھەلبژارتنان دا سهربكهڤن ئەگەرهكێ زۆر ههیه گوهۆرینێن مهزن د سییاسهتا توركیا دا رووبدهن ل سەر ئاستێ ژ دهرڤه و ب تایبهتی ژی ل سەر ئاستێ سوورییێ” گومان تیدا نینە پشكهكا مهزن یا وان گوهۆرینان دێ بەر ب پرسا كوردی كهڤیت ب تایبەتی ل رۆژئاڤایێ كوردستانێ ب رهنگهكێ گشتی” ههروهسا ھێلێن گشتی یێن سیاسەتا كلچدار ئۆغلویی بەرامبەر سووریا دێ ب ڤی رهنگی بیت” ژ وان ژی” ڤهكێشانا ھێزێن توركیا ژ سوورییێ” ھەر چەندە ئەڤێ پێدڤی ب رێككەفتنێ ل گەل رووسییا و ئەسەدی ههیه” ب چاڤدێریكرنا هوور یا كەمپینێن ھەلبژارتنان و سۆزێن ھهڤپەیمانییا مللەت” دبیت توركیا ب وی ئاراستەیی ڤان گاڤان بھاڤێژیت و ههموو ھێزێن خۆ سوورییێ ڤهكیشیت و بۆ ئاساییكرنا پەیوەندییان ل گەل رژێما ئەسەدی” رێككەفتنێ ل گەل دیمەشقێ بكهت.
ناڤهاتی گۆت ژی: بۆ پاراستنا سنوورێن توركیا و ھەماھەنگی كرن ل گەل دیمەشقێ بۆ بهرهنگاربوونا روژئاڤایێ كوردستانێ و نەھێلانا وان مەترسی یێن توركیا ھەین” ل سەر دەمێ ئهردوغانی بۆ بهرهنگاربوونا كوردان پتر پشت ب ئۆپەراسیونێن سەربازی د هاته بەستن” بەلێ دبیت ل سەر دەمێ كلچدار ئۆغلویی پتر ب رێیا ریككەفتن و ھەماھەنگییێ ل گەل بشار ئەسەدی، ئیران و رووسییا فشاران ل سهر ئهمریكا دروست بكهن و كاری بۆ دژایەتییا روژئاڤا بكهن” دیسان توركیا دێ پشتا خۆ دهته گرۆپێن چەكدارێن سورییێ و ب تایبەتی گرۆپێن ئیسلامی” بێگومان ئێك ژ خالێن دیتر یێن سیاسەتا توركیا دێ ب وی ئاراستهیی ڤه چیت و دێ دهستان ژ گرۆپێن ئیسلامی بهردهت و دێ ھەموو پپشتهڤانییێ بۆ وان گرۆپان راگریت و ئەو گرۆپه دێ بنه نێچیرهكا ب ساناهی بۆ رژیما ئەسەدی.
د. نهوزاد هێشتا دبێژیت: دهربارهیی مامەلەكرنێ ل گەل ئەمریكا و رووسیا” بێگومان ھهڤپەیمانییا مللەت” دێ تووشی جۆره ئاریشهكێ بیت ل گهل وان ههردو زلهێزان” دهربارهیی پرسا كوردان ل سوورییی” توركیا دێ پتر فشاران دروست كهت بۆ هندێ ئەمریكا دهستان ژ كوردان و ھێزێن ھەسەدێ بهردهت و پشتهڤانییا وان نهكهت” یا ژڤی گرنگتر ئهوه” ئەمریكا دێ پتر گوهێ خۆ دهته كلچدار ئۆغلویی و دێ ئامادە بیت وێ سازشێ بۆ توركیا كهت و ل ژێر فشارێن ھهڤپەیمانان ژ سووریا دەركهڤیت” دیسان ھندهك راپۆرت و نووچه ئاماژێ ب هندێ ددهن كو ئەمریكا ھانا ھێزێن كوردی ددهت بۆ هندێ بهری دهربكهڤن ل گەل رژێما ئەسەدی رێككەفتنێ بكەن” ئانكو ب سهركهفتنا كلچدار ئۆغلویی ئەگەرێ ڤهكێشانا ئەمریكا ل سوورییێ ب لهزتر لێ دهێت، ژبهر چەند فاكتەران” ئەمریكا دێ پتر ئامادە بیت گوهدارییا توركیا بكهت كو ههڤپەیمانێن وێ ب سەردا د زالن و ژ ئهگهرێ رێككەفتنا توركیا و ئەسەدی” دێ پتر فشار ل سەر ئەمریكا دروست بن بۆ هندێ پێداچوونێ د سیاسەتا خۆ دا بكهت” ب ڤهكێشانا ھێزێن توركیا و پشت گوهخستنا گرۆپێن ئیسلامی و ئەگەرێ كونترۆل كرنا وان دهڤهران ژ لایێ ئەسەدی ڤه دێ پتر فشار دروست بن ل سەر ئەمریكا” كو خۆ ژ روژئاڤایێ كوردستانی ڤهكێشیت” ههروهسا ڤهگەریانا ئاوارێن سووری بۆ وهلاتێ وان دێ رولهكێ مەزن گێریت د سیاسەتا توركیا دا بەرامبەر سوورییێ” كو نوكه نێزیكی چار ملیۆن ئاوارە ل توركیا دژین” دێ سیاسەتا لایەنێن ئوپوزیسیۆنێ ئەو بیت كو ئاوارە ڤهگهرنهڤه سوورییێ و ئهڤ چهنده ناهێته كرن ئەگەر ل گەل رژێما ئەسەدی ریككەفتنێ نەكهت.
