د. محه‌مه‌د شوكری: مه‌ داخواز ژ وه‌به‌رهێنه‌ر و كۆمپانی یێن ئیماراتی كرییه‌ پتر وه‌به‌رهێنانێ ل كوردستانێ بكه‌ن

ئاژانسا خانی:

د. محەمەد شـوکری سەرۆكێ دەسـتەیا وەبەرھێنانێ ل هه‌رێما كوردستانێ بۆ ئاژانسا خانی دیار كر: ئه‌و ل گه‌ل هژمارەكا وەبـەرھـێـنەر و سه‌رمایه‌دارێن ئـیـمـاراتێ كۆمبووینه‌ و وان به‌حسێ ده‌لیڤێن وه‌به‌رهێنانێ یێن كو ل هه‌رێما كوردستانی هه‌ین كرینه‌ و وان داخواز ژ وه‌به‌رهێنه‌ر و کۆمپـانی یێن ئـیماراتی کـرینه‌” كو پتر پشكدارییێ د پرۆژێن وه‌به‌رهێنانێ دا ل هه‌رێما كوردستانی بكه‌ن” ب تایبەت ژی د وان بیاڤێن كو پەیـوەنـدییه‌كا راسـتەوخـۆ ب ژێـرخـانـا ئـابـووری یا كوردستانی ڤه‌ هه‌بیت.

ناڤهاتی گۆت ژی: وان وه‌به‌رهێنه‌ر و سه‌رمایه‌دارێن ئـیماراتی رەوشـا وەبـەرھــێنانێ ل كوردستانێ و پـرۆسا ئـاڤەدانـکـرنێ بلند نرخاند و ئـامادەیا خـۆ نـیـشان دا كو د بیاڤێن گـەشـتییاری و ڤه‌گـۆهاستنا گـشـتـی دا ل ھـەرێما کوردستانێ وەبـەرھــێـنانێ بـکـەن و د هه‌مان ده‌مدا مه‌ ژی وه‌كو دەسـتەیا وەبـەرھێـنانێ پشته‌ڤانییا خۆ و سازی یێن حکـومـەتا ھـەرێـما كوردستانی بـۆ کۆمپانی یێن وه‌لاتێ ئیماراتێ نـیـشـان دا” كو هه‌موو کارئاسانی و ھـاریکـارییان لدووڤ یـاسـایێ بۆ وەبـەرھێنه‌رێن ئیماراتی بكه‌ن.