<h2>سپێدەهییا ئەڤرۆ رەجەب تەیب ئەردوگان، سەرۆككۆمارێ توركیا توویتەك ب ناڤێ " برایێن من یێن كورد یێن خۆشتڤی " بەلاڤكر.</h2> <h2></h2> <h2>رەجەب تەیب ئەردوگان، سەرۆككۆمارێ توركیا سپێدەهییا ئەڤرۆ د هەژمارا خۆ دا توویتەکێ تایبەت بۆ كوردان بەلاڤكر و تێدا ڕاگەهاند، بۆ دەستەبەركرنا مافێن هەوە كو وەك شیرێ دایكێ بۆ هەوە د حەلالن، مە خەباتەكا مەزن كریە.</h2> <h2></h2> <h2>ئاژانسا ئەنادول بەلاڤكریە، د توویتێ سەرۆككۆمارێ توركیا دا هاتییە، هەر كەسەك بزاڤان بكەت ب گەفێن تیرۆرێ ئاریشەیان دروست بكەت و مە ڤەگەڕینیتە توركیا پێشتر، دێ مە ل بەرامبەری خۆ بینیت. هەر كەسەك بزاڤان بكەت چەكی بدەتە زارۆكێن كورد ژبۆ وێ یەكێ ببنە سەرباز و پۆلیس و وەلاتییێن مە بكەنە ئارمانج، دێ مە ل بەرامبەری خۆ بینیت.</h2> <h2> گۆتیە ژی: "دا كو دایك نەكەنە گری و جەرگێ وان نەهێتە سۆتن، مە بزاڤێن جددی كرینە، هوین شاهدێن وان بزاڤێن مە نە، بێگومان هوین د ئاگەهدارن كا چ جۆرە داڤەك بۆ مە هاتینە دانان و هەتا نوكە ئەم ب سەر چەند بەربەستان دا ب سەركەڤتینە، مە كێم و كاسی هەنە و هندەك تشت هەنە كو مە دڤیا مە كربان و مە نەشیایە، لێ دەستكەفتێن مە بۆ ماف و ئازادییان بۆ توركیا د دیارن، بێگومان ئەم رێكێ نادەین ئەڤ چەندە پاشڤە بزڤڕیت."</h2> <h2> سەرۆککۆمارێ تورکیا دیارکریە ژی،"هەر كەسەك بزاڤان بكەت ب گەفێن تیرۆرێ ئاریشەیان دروست بكەت و مە ڤەگەرینتە توركیا پێشتر، دێ مە ل بەرامبەری خۆ بینیت. هەركەسەك ژ پێخەمەت هێزێن ئیمپریالیست دا ئارامییا گەلێ مە بكەتە ئارمانج، دێ مە ل بەرامبەری خۆ بینیت. هەركەسەك بزاڤان بكەت دەست بۆ مافێن هەوە ببەت دێ رەجەب تەیب ئەردوگان و هەڤپەیمانییا جمهوری بەرامبەری خۆ بینیت، ئەگەر خودێ تەمەنی و حوكمڕانییێ بدەتە مە، جارەكا دی ل ڤی وەلاتی دایك ناكەنە گری و كەس نەشێت ب زۆری زارۆكێن هەوە ببەتە چیای و كەس نەشێت گەفان ل خۆشك و برا و كوردان بكەت و ب هێزا چەكی ئیرادەیا وان كۆنترۆل بكەت."</h2>
