سه‌قاناسى : پێشبینى دهێته‌كرن سوبه‌هى تۆز بباریت

رێڤه‌به‌رییا گشتییا سه‌قاناسى وئه‌ر‌دهه‌ژان ل هه‌رێما كوردستانێ دیاركر، ژ ئه‌نجامێ زێدبوونا له‌زاتییا باى، پێشبینى دهێته‌كرن سوبه‌هى رۆژا شه‌مبى تۆز بباریت، په‌یڤدارێ ده‌سته‌یا سه‌قاناسی و ئه‌ردهه‌ژێن عیراقێ ژى دیاركر، دگه‌ل بارینا تۆزێ، پێشبینى دهێته‌كرن بارانه‌كا كێم ل پشكه‌كا هه‌رێما كوردستانێ بباریت.

رێڤه‌به‌رییا گشتییا سه‌قاناسى و ئه‌ردهه‌ژان ل هه‌رێما كوردستانێ راگه‌هاندنه‌ك ل دۆر پێشبینییێن سه‌قایێ سوبه‌هى رۆژا شه‌مبى 13ى گۆلانا 2023ێ به‌لاڤكر و ئاماژه‌ ب هندێ دا، سوبه‌هى ئاسمان دێ هه‌تا راده‌یه‌كى ئه‌ور بیت و ژ ئه‌نجامێ زێده‌بوونا له‌زاتییا باى دێ تۆز باریت.

سه‌قاناسى دبێژیت، ل هنده‌ك ده‌مان تۆز بارین دێ زێده‌بیت و ئاستێ دیتنێ بۆ نێزیكى دوو كیلۆمه‌تر هه‌تا چار كیلۆمه‌تران كێم بیت، ب تایبه‌تى ل ده‌ڤه‌رێن ناڤین و باشوورێ هه‌رێما كوردستانێ.

رێڤه‌به‌رییێ پێشبینى بۆ پله‌یێن گه‌رمێ یێن رۆژا شه‌مبییێ كر و دبێژیت: دێ ئێك بۆ دوو پله‌یان ژ رۆژا ئه‌ینى كێمتر بن، له‌زاتییا باى ژى دێ هنده‌ك جاران بۆ زێده‌تر ژ 35 كیلۆمه‌تران د ئێك ده‌مژمێردا زێده‌بیت.

بلندترین پله‌یێن گه‌رمێ یێن هاتینه‌ پێشبینیكرن ب ڤى شێوه‌ینه‌.

دهۆك؛ 31 پله‌

هه‌ولێر؛ 33 پله‌

سلێمانى؛ 31 پله‌

كه‌ركووك؛ 34 پله‌

هه‌له‌بجه‌؛ 32 پله‌

حاجى ئومه‌ران؛ 22 پله‌

زاخۆ 33 پله‌

سۆران 31 پله‌

گه‌رمیان 36 پله‌