ھێزەکا پێشمەرگەی ل ناحییا گوێڕ ھاته‌ بەلاڤکرن

پشتی دوھی گومان پەیدابووین ل ھەبوونا تیرۆرستێن داعش ل ناڤا ناحییا گوێڕ ئەڤرۆ ھێزەکا پێشمەرگەی ل ئەڤێ ناحییێ ھاتە بەلاڤکرن و رێڤەبەرێ ناحییێ ژی دبێژیت، رەوش یا ئارامە و پێشمەرگەی بەرھەڤی بۆ لێدانا داعش کرینە.

مەسعود نووری رێڤەبەرێ ناحییا گوێڕ بۆ ئاژانسا خانی دیارکر، دوھی ھژمارەه‌كا وەلاتییان چەکدارێن داعشێ ل گوێڕێ دیتینە و ئێکسەر ھێزێن پێشمەرگەی دەست ب لێگەڕیانێ کرییە بۆ ژناڤبرنا چەکدارێن داعش، ژبه‌ركو ژ سالا 2017ێ وەرە ھەتا نوکە داعش ل سنورێ ناحییا گوێڕ یا سەر ب قەزا مەخموورڤه‌ نەمایە، ئەگەر چەکدارێن داعش ل ڤێ دوماھییێ ھاتبنه‌ ده‌ڤه‌رێ ڤه‌ پێشمەرگە دێ بەرھنگاری تیرۆرستان بیت.

مەسعود نووری گۆتژی، پێشمەرگەى ل سنورێ گوێڕێ بەرھەڤی بۆ لێدانا داعشێ کرینە و پشتی روودانا دوھی ژی ھێزەکا مەزن یا پێشمەرگەی ل گوێڕ ھاتییە جھگیرکرن ھندەك ڤالاھی ھەبوو ھاتییە پرکرن، لەوما وەلاتییان پشتڕاست دکەین ھەر چەکدارەکێ داعش بھێتە دەڤەرێ ژ دەستێن پێشمەرگەی قورتال نابیت.