وه‌زاره‌تا خواندنا بلند: هه‌رێم و به‌غدا دێ لژنێن هه‌ڤپشك بۆ دانپێدانا زانكۆیان پێك ئینن

بڕیارە لژنێن هه‌ڤپشك دناڤبه‌را وه‌زاره‌تا خواندنا بلندا ھەرێما كوردستانێ و بەغدا بهێنه‌ دروست كرن بۆ چاره‌سەرکرنا ئاریشا دانپێدانا زانکۆیان.

ئاژانسا خانی:

د. عەبدولفەتاح عەبدولرزاق، بریکارێ وەزارەتا خواندنا بلند یا حكومه‌تا هه‌رێما كودستانێ” دیار كر: پرانییا زانکۆیێن ھەرێما کوردستانێ ژ لایێ وه‌زاره‌تا خواندنا بلندا عێراقێڤە دانپێدان پێ کرییە، بەلێ ھنده‌ك پشكێن نۆشداری و کۆلیژێن زانستی ل ھەرێما کوردستانێ هه‌نه‌ ژ لایێ بەغداڤە دانپێدان پێ نه‌كرییه‌، بۆ نموونە ھنده‌ك پیڤەر ھەنە بەغدا داخواز کرینە وەکو ھەبوونا نەخۆشخانا فێرکارییێ بۆ پشكێن نۆشداری و دڤێت ئه‌و پشكه‌ هه‌بن.

ناڤهاتی گۆت ژی: هه‌تا نوكه‌ دو کۆمبوون دناڤبه‌را ھەردو وەزارەتێن خواندنا بلندا  ھەرێمێ و عیراقێ دا هاتینه‌ كرن و مه‌ داخواز كرییه‌ لیژنەكا ھه‌ڤپشك بهێته‌ دروست كرن و سەره‌دانا زانکۆیان بکه‌ن و هه‌كه‌ پیڤه‌رێن زانستی بجهئینا بن وان ئاریشان چارەسەر بکه‌ن.”