خەلاتێن فهستیڤالا دووێ یا فلمێن کوردی ل ئەمستردام هاتنه دابەشکرن و زەهاوی سنجاوی، دەرهێنەرێ کورد، د بەلگە فلمێ ‘عیمادێ زارۆك’ دا خەلاتێ باشترین دەرهێنەر ب دهستڤه ئینا.
چالاکی یێن فهستیڤالا دووێ یا فلمێن کوردی ل ئەمستردام، ل رۆژا ئەینی 12 ی گولانا 2023 ێ ل ئەمستردام ل هۆلهندا دەستپێکرن، ژ بلی نیشاندانا فلمان، چەند پانێلهك دهربارەیی سینەما و فلمێن کوردی هاتنه پیشكێش كرن و بۆ دهمێ سێ رۆژان یا بەردەوام بوو” د وێ فهستیڤالێ دا 11 فلمێن سینەمایی پشكدار ببوون، كو کورتە فلم و بەلگە فلمێن کورت و درێژ بوون.
زههاوی سنجاوی” دهرهێنهرێ كورد” بۆ ئاژانسا خانی دیار كر: فلمێ عیمادێ زارۆك بهلگه فلمهكێ درێژه و 78 خۆلهكان یێ درێژه و ب هەردو زمانێن کوردی و عەرەبییە و ل كهمپا خانكێ هاتییه وێنه كرن و ل سالا 2017 ب دووماهی هاتییه ژ كارێ وێنهكرنێ و ئهڤ فلمه بهرههمێ وهلاتێ سوید و لاتڤیا و كوردستانێ یه و ههتا نوكه پشكداری د 45 فلمه فیستتڤالان دا كرییه و 20 خهلات ژی وهرگرتینه.
ناڤهاتی گۆت ژی: ل بازارێ ههڤپشكێ ئورۆپا 12 فلم هاتینه ههلبژارتن و فلمێ عیمادێ زارۆك ژی ئێك ژ وان فلمانه دێ ل پتری 50 وهلاتێن جیهانی هێته نیشاندان” ههروهسا ل 12 كهنالێن جیهانی ژی هاتییه نیشاندان و نوكه بهردهوام دهێته نیشاندان” ئەڤ بهلگه فلمه د ماوێ 13 ههیڤان دا هاتییه وێنه كرن و ناڤهرۆكا وی بهحسێ کورهكێ پێنج سالی یێ کوردێن ئێزدی ب ناڤێ عیماد دكهت” كو دو سال و نیڤان ژ لایێ خێزانهكا داعشێ ڤه هاتبوو گرتن” پشتی ئازادبوونا وی ژ ئهگهرێ کاریگەرییا هزر و پەروەردا داعشێ نهشێت ب ئاسایی وهكو زارۆیان بژیت و حەزا تووندوتیژییێ ل ههمبهری کەس و کار و دەوروبەرێن خۆ هەیە” بزاڤێن پەروەردەکرن و ئاساییکرنا رهوشا دەروونی یا عیمادی پڕۆسەكا دژوار و درێژخایەنە کو ژ لایێ داپیر و نۆشدارێن دەروونیڤه بۆ دهێته كرن.
هێشتا دبێژیت: نوكه كار د فلمهكێ دكیۆمێنتاری دا ب ناڤێ “بهلێن” دا دكهم” كو 90 خۆلهكان یێ درێژه” ههكه ئهڤ ساله ب دووماهی بینم من لبهره ب وی فلمی پشكدارییێ د فلمه فیستهڤالا دهۆك یا نێڤدهولهتی دا بكهم” چونكی ب درێژاهییا ههشت سالان من فلمێن خۆ ل دهۆكێ و دهوروبهێن وێ دروست كرینه” دیسان ئهز ههردهم هاریكارییا سینهماكارێن كورد دكهم.
زەهاوی سنجاوی، ل هەولێرێ ژ دایکبوویە، ل سالا 1975 ێ ل گەل خێزانی خۆ چوویه ئیرانێ، ل وی وهلاتی خواندییه و پاشی چوویه رووسیا بۆ خواندنا سینەمایی، هەشت سالان د بیاڤێ نڤیسینا سیناریۆیێ و دەرهێنانێ دا خواندییه، 25 ساله وەکو دەرهێنەر و بەرهەمهێنەر د بیاڤێ سینەمایی دا كار دكهت و ههتا نوكه چهندین كورته فلم و فلمێن درێژ یێن درامی و دکۆمێنتاری بهرههمئیناینه.
