نێچیرڤان بارزانی، سەرۆکێ هەرێما کوردستانێ ئەڤرۆ ب هەلكەفتا 61 سالییا دامەزراندنا ئێكەتییا مامۆستایێن كوردستانێ پەیامەك بەلاڤكر و تێدا پیرۆزباهی ل هەمی مامۆستایێن كوردستانێ كر.
دەقێ پەیاما سەرۆکێ هەرێما کوردستانێ؛
سالڤەگەڕا 61مین یا دامەزراندنا ئێكەتییا مامۆستایێن كوردستانێ، ل مه‌كته‌با سكرتاريه‌تا ئێكەتییا مامۆستايان و هەمی مامۆستايێن خۆشتڤی یێن كوردستانێ پيرۆز د‌كه‌م، هیڤیا سەركەفتنێ بۆ دخوازم.
د ئەڤێ هەلكەفتێدا ب ڕێز و پێزانینڤە د خەبات و كارێ پیرۆزێ مامۆستایان بۆ پێگەهاندنا نڤشەكێ نوی و قوربانیدان و بزاڤ و ماندیبوونا پەروەردەیی و مامۆستایان د سەردەمێ چیا و د ئازادییێدا بلند دنرخینین.
مامۆستا هەردەم دەستپێكەك بووینە بۆ پێگەهاندنا نڤش و پرۆسا پەروەردە و فێركرنێ. كارتێكرنەكا ڕاستەوخۆ ل سەر ئاڤاكرن و پێشئێخستنا ئاستێ كەسایەتییا قوتابییان هەیە، ژبەر هندێ ئەركەكێ گرنگ و پیرۆز بجهدئینن و هەمی جهێ ڕێز و دەستخۆشییێ نە.
د ئەڤێ ڕۆژێدا دووپات و پشتەڤانییا خۆ بۆ هەمی ماف و داخوازیێن ڕەوا یێن مامۆستایان دیار دكەین و هەلویستێ مامۆستایێن دلسۆزێن كوردستانێ ب ڕێز و بیر دئینین یێن كو د رەوشێن دژوار و نەچاڤەرێكریدا نەهێلایى پرۆسا پەروەردە و فێركرنێ ژناڤ بچیت.
سلاڤ ل گیانێ ئەوان مامۆستایان بیت یێن ل پێناڤ ئازادییا گەل و وەلاتی خۆ كرییە قوربان.
پيرۆزبیت سالییادا دامه‌زراندنا ئێكەتییا مامۆستايێن كوردستانێ.
نێچيرڤان بارزانى
سه‌رۆكێ هه‌رێما كوردستانێ
15-05-2023
