پارێزگارێ ھەولێرێ: جھەکێ مەزن بۆ ڤه‌حەواندنا سەیێن بەرەلا دھێتە دروست کرن

ئاژانسا خانی ” تایبەت:

پارێزگارێ ھەولێرێ دیار کر، رێکارێن چارەسەرکرنا سەیێن بەرەلا دەستپێکرییە و دبێژیت، سەیێن بەرەلا دێ ھێنە خەساندن و بەرەلاکرن، جھەکێ مەزن بۆ ڤه‌حەواندنا سەیێن بەرەلا دھێتە دروست کرن.

ئومێد خۆشناو پارێزگارێ ھەولێرێ بۆ ئاژانسا خانی دیارکر” ڤێ دووماھییێ ھژمارا سەیێن بەرەلا زێدەبوویە، ب تایبەتی پشتی پەیدابوونا کۆرۆنایێ سەیێن بەرەلا ل چۆلی ھاتینە ناڤا باژێڕی، رێکارێن کۆنتڕۆلکرنا سەیێن بەرەلا دەستپێکرییە و جھەکێ مەزن بۆ ڤه‌حەواندنا وان ل ھەولێرێ دھێتە دروست کرن، بەلێ نابیتە جھێ مانا سەیێن بەرەلا بەلکۆ دێ چارەسەری بۆ ھێتە کرن، ئێک ژ وان چارەسەرییان ئەڤە دێ ژلایێ تیمێن تایبەت سەیان ھێنە خەساندن و لدووڤدا دێ ھێنە بەرەلاکرن، ژبەرکو ئێکەم پێنگاڤ رێگرییە ل زێدەبوونا سەیان.

ئومێد خۆشناو گۆت ژی”ھژمارا سەیێن بەرەلا گه‌له‌كن و چو ئامارێن فەرمی ژی نینن لدۆر ھژمارا وان،  ھەوەک دێ ھێتە دەستپێکرن بۆ گرتنا سەیێن بەرەلا و ھژمارەکا زۆرا گەنجێن خۆ بەخش رازیبوونا خوە دیارکیریە دێ ھاریکار بن بۆ گرتنا سەیێن بەرەلا و کۆمکرنا وان سەیێن بەرەلایە و ڤەگوھاستنا وانە بۆ جھێ تایبەت.