<h3 style="text-align: justify;"><span style="font-size: 18pt;">چاڤدێره‌كێ سیاسى دیاركر، باژێرێ ئیستانبۆلێ ئه‌گه‌رێ نه‌سه‌ركه‌ڤتنا ره‌جه‌ب ته‌یب ئهردوگانى بوو د گه‌را ئێكێ یا هه‌لبژارتنێن سه‌رۆكایه‌تییا توركیادا.</span></h3> <h3 style="text-align: justify;"><span style="font-size: 18pt;">سه‌ردار ئه‌ترووشى چاڤدێرێ سیاسى بۆ ئاژانسا خانى دیاركر، سه‌ربارى كارتێكرنا ره‌وشا خرابا دارایى یا وه‌لاتییان ل سه‌ر پرۆسه‌یا هه‌لبژارتنان، باژێرێ ئیستانبۆلێ ژ به‌ر دوو ئه‌گه‌ران كارتێكرنه‌كا مه‌زن ل سه‌ر ئه‌نجامێن هه‌لبژارتنان هه‌بوو، ئه‌گه‌رێ ئێكێ ئه‌وه كو ئیستانبۆل ژلایێ كرێیا خانووبه‌ران و بهایێ كه‌لوپه‌لێن رۆژانه‌ڤه ژ هه‌موو باژێرێن دى یێن توركیا گرانتره، ئه‌گه‌رێ دى ئه‌وه كو ته‌خا گه‌نجان ده‌نگ نه‌دایه ئهردوگانى، سه‌ربارى كو وى پێنگاڤێن سه‌ركه‌ڤتنا خوه هه‌تا گه‌هشتییه پۆستێ سه‌رۆككۆمارییێ ل ئیستانبۆلێ ده‌ستپێكربوون.</span></h3> <h3 style="text-align: justify;"><span style="font-size: 18pt;">ئه‌وى چاڤدێرێ سیاسى ئاماژه ب هندێ دا، ڤه‌رێژا نه‌سه‌ركه‌ڤتنا ئهردوگانى د گه‌را ئێكێ یا هه‌لبژارتنێن ئه‌ڤ ساله‌دا، بۆ شكه‌ستنا وى دهه‌لبژارتنێن باژێرڤانییا ئیستا‌نبۆلێدا ل سالا 2019ێ ڤه‌دگه‌ریت، كو د وان هه‌لبژارتناندا ئه‌كره‌م ئیمام ئوگلۆ ژ حزبا پارتا گه‌ل یا كۆمارى سه‌ركه‌ڤتن ل سه‌ر بن عه‌لى یه‌لدرم یێ ئاكپارتى بده‌ستڤه‌بربوو، هه‌روه‌سا كارنه‌كرن ل سه‌ر چاره‌سه‌ركرنا خالێن لاواز یێن ئاكپارتێ ل وى باژێرى، كو ژمارا ئاكنجییێن ئیسته‌نبۆلی ژ 20 ملیۆن كه‌سان پتره.</span></h3>
