ڤیان دەخیل، ئەنداما جڤاتا نوونەرێن عیراقێ بۆ ئاژانسا خانی ڕاگەهاند، وەزارەتا كار و كارۆبارێن جڤاكی ل عیراقێ بڕیار دابوو مووچەی بۆ ئاوارەیان دابین بكەت بەلێ نوكە وەزارەتا كۆچ و كۆچبەرێن عیراقی بڕیارەكا هەڤدژ دایە، و دابینكرنا مووچەیێ چاڤدێرییا جڤاكی كرییە مەرج بۆ ڤەگەڕیانا ئاوارەیان.
ڤیان دەخیل گۆت، مافێ ئاوارەیانە مووچەی وەربگرن وەكی هەمی وەلاتییان و ئەڤە سەرپێچییەكا دژی ئاوارەیان هاتییەدان و ئەم دەنگێ خۆ دگەهیننە ڕێكخراوێن مافێن مرۆڤی، نەتەوەیێن ئیكگرتی، یۆنامی و لژنا مافێ مرۆڤی ل پەرلەمانێ عیراقی ل سەر ئەڤێ سەرپێچیێ بێدەنگ نەبن.
ئەنداما جڤاتا نوونەرێن عیراقێ دیاركر، فشار ل ئاوارەیان دهێتەكرن ژبۆ ڤەگەڕیانا سەر جهـ و مالێن وان، بەلێ ئاوارە ژبەر خرابییا ڕەوشا شنگالێ نەشێن ڤەگەڕن و داخوازیێ ژ محەممەد شیاع سوودانی دكەین ل سەر ئەڤێ بڕیارا وەزارەتا كۆچ و كۆچبەرێن عیراقێ دژی ئاوارەیان دای بهێتە سەر خەت.
Like this:
Like Loading...
