كاركرن ل سه‌ر پرۆژه‌یێ به‌نداڤا سبنه‌ دوو یێ به‌رده‌وامه‌

رێڤه‌به‌رێ به‌نداڤێن پارێزگه‌ها دهۆكێ دیاركر، كاركرن ل سه‌ر پرۆژه‌یێ به‌نداڤا سبنه‌ دوو ل قه‌زا ئامێدییێ ل ناحییا بامه‌رنێ یێ به‌رده‌وامه‌.

ئه‌ندازیار فه‌رهاد محه‌مه‌د تاهر رێڤه‌به‌رێ به‌نداڤێن پارێزگه‌ها دهۆكێ بۆ ئاژانسا خانى ئاشكراكر، كاركرن دپرۆژه‌یێ به‌نداڤا سبنه‌ دوودا یێ به‌رده‌وامه‌، كو دبیته‌ دووه‌م به‌نداڤا بچووك ل سنۆرێ پارێزگه‌ها دهۆكێ كار تێدا دهێته‌كرن پشتى كو كارێ به‌نداڤا خنس یا قه‌زا شێخان تمامبووى.

هه‌روه‌سا دیاركر، به‌نداڤا سبنه‌ دوو ب كۆژمێ حه‌فت ملیار دیناران ل سه‌ر بودجه‌یا حكومه‌تا هه‌رێما كوردستانێ و ب فه‌رمانا مه‌سرور بارزانى سه‌رۆكێ جڤاتا وه‌زیرێن هه‌رێما كوردستانێ و وه‌زاره‌تا چاندنێ و ژێده‌رێن ئاڤێ و ب پشته‌ڤانییا پارێزگه‌ها دهۆكێ و رێڤه‌به‌رییا گشتییا به‌نداڤان دهێته‌ بجهئینان.

ئاماژه‌ ب هندێ ژى دا، ئه‌ڤێ به‌نداڤێ یا كو ژ سالا 2150ێ وه‌ره‌ كارێ دروستكرنا وێ راوه‌ستیاى، شیانێن كۆمكرنا شه‌ش ملیۆن میترێن سێجا یێن ئاڤێ هه‌نه‌ و كارێ دروستكرنا وێ ب رێژه‌یا 43%ێ تمامبوویه‌.