حەسەن شەریف به‌ر‌هه‌ڤییان بۆ تۆماركرنا ئه‌لبۆمه‌كا نوو دكه‌ت

ئاژانسا خانی ” زنار تۆڤی:

هونەرمەند حەسەن شەریفی، نووترین بەرهەمێ خۆ ب ناڤێ ‘وەرە دەرێ’ ب شێوێ ڤیدیۆکلیپ به‌لاڤكرییه‌ و ئه‌و بەرهەمە ژ تێکست و ئاوازا وی ب خۆیه‌ و كارێ ده‌رهێنانێ ژلایێ نما جه‌لیلیان ڤه‌ بۆ هاتییه‌ كرن، هه‌روه‌سا ژ ئه‌گه‌رێ هنده‌ك هه‌لكه‌فت و رێورەسمێن ئایینی، وی ئه‌و به‌رهه‌مه‌ پاشخست و ل بهارا ئه‌ڤ ساله‌ به‌لاڤكر” وی ئه‌و ڤیدیۆ كلیپه‌ ل چەندین جهێن جۆدا یێن باژێرێ دهۆكێ وێنه‌ كرینه‌، به‌لێ ب مخابنی ڤه‌ ئه‌و نه‌شییا بچیتە وان جهێن وی دڤییا ڤێ كلیپێ لێ دروست بكه‌ت.

حەسەن شەریفی” زێده‌تر بۆ ئاژانسا خانی دبێژیت: وی ب ستایل و شێوازه‌كێ جۆدا ئه‌و سترانا نوو‌ گۆتییه‌، د هه‌مان ده‌مدا وی ب چه‌ندین رەنگێن جۆدا هژماره‌كا زۆر یا سترانێن فه‌لسه‌فی و جڤاكی و نیشتیمانی و ئایینی گۆتینه‌” هه‌روه‌سا نوكه‌ ئه‌و به‌رهه‌ڤییان بۆ به‌لاڤكرنا ئەلبوومه‌كا نوو یا سترانان دكه‌ت” كو ژ 11 بۆ 12 تراکێن سترانان پێك دهێت، به‌لی یا دیار نینه‌ كانێ دێ كه‌نگی به‌لاڤ كه‌ت و هژمارەكا هه‌لبه‌ستڤانان تێکستێن وان سترانان نڤێسینە و هنده‌ك ژ وان کلاسیکن و وی دڤێت رۆحا بەرهەمێن وی یێن به‌ری نوكه‌ دناڤا به‌رهه‌مێ وی یێ نوو دا هه‌بیت.

حه‌سه‌ن شه‌ریف” هێشتا دبێژیت: وی ئه‌و پلان هەیە” هه‌تاکو ئەو به‌هه‌مێ خۆ یێ نوو به‌لاڤ دكه‌ت، هنده‌ك سترانێن تاک و ئاکۆستیک ژی به‌لاڤ بكه‌ت و ئه‌و دێ یێ به‌رده‌وام بیت ل سه‌ر كارێ خۆ یێ هونه‌ری” چونكی هونەر پشكه‌كه‌ ژ ژیانا وی” هه‌روه‌سا د ئه‌لبۆما خوه‌ یا نودا دێ هه‌لبه‌سته‌كا مه‌لایێ باته‌یی و ئێكا ئه‌مین بۆتانی” ل گه‌ل سترانه‌كا محه‌مه‌د شێخۆیی و ئێكا سه‌عید گاباری بێژیت و دێ هنده‌ك سترانێن خوه‌ ژی نووكه‌ت” ل گه‌ل هندێ وی ب خوه‌ هنده‌ك هه‌لبه‌ستێن نوو هه‌نه‌” به‌لێ وی بریار نه‌دایه‌ بكه‌ته‌ دناڤا ئه‌لبۆما خۆ دا” هه‌روه‌سا هژماره‌كا مه‌زن یا سترانان لده‌ف ون هه‌نه‌” به‌لێ هه‌تا نوكه‌ وی به‌لاڤ نه‌كرینه‌” هه‌روه‌سا پشتی ڤێ كلیپا نوو پشتی چه‌ندین هه‌یڤێن دی دێ سترانه‌كا كلاسیك به‌لاڤ كه‌ت” دیسان داخواز ژ من هاتییه‌ كرن سترانێن دویت ژی ل گه‌ل هنده‌ك هونه‌رمه‌ندان چێكه‌م.