حەفتییا بهێت دێ قەرەبوویا ماددێ 140 ھێتە دەستپێکرن

ئاژانسا خانی: تایبەت

کاکەڕەش، بەرپرسێ ئۆفیسا کەرکووکێ یا ماددێ 140 بۆ ئاژانسا خانی ڕاگەهاند، بڕیار ھاتییەدان وەلاتییێن زیانڤێکكەتی یێن ل سنوورێ ماددێ 140 بھێنە قەرەبووکرن و ب تنێ ل نڤێسینگەھا کەرکووکێ یا ماددێ 140، دوو ھزار ناڤێن وەلاتییان ھنارتینە بۆ بەغدا.

کاکەڕەش گۆت، ل حەفتییا بهێت چەکێ وەرگرتنا پارەی دێ بۆ 100 کەسان ھێتە بەلاڤکرن و دشێن سەرەدانا بەغدا بکەن بۆ وەرگرتنا قەرەبوویا خۆ و 10 ملیۆن دیناران وەربگرن، ل ھەمی پارێزگەھێن دی یێن عیراقێ ژی ئەو پارە دێ ھێتە بەلاڤکرن.

بەرپرسێ ئۆفیسا کەرکووکێ یا ماددێ 140 دیاركر، جوداھی دناڤبەرا پارێزگەھان دھێتەکرن، ژبەركو ل کەرکووکێ زۆرترین وەلاتی ھەیە و ماف ھەیە مفاداربیت ل قەرەبوویا ماددێ 140، بەلێ بۆ ھەمی پارێزگەھان وەکی ئێك پارە ھاتییە دیارکرن، ئەڤەژی غەدرە ل کەرکووکێ دھێتەکرن، ژبەركو پێدڤییە بەھرا کەرکووکێ زێدەتربیت ژ پارێزگەھێن دی یێن عیراقێ.