ب ئاماده‌بونا ماجد سه‌ید سالح، جێگرێ پارێزگارێ دهۆكێ و نه‌وزاد كامل، رێڤه‌به‌رێ گشتی ل وه‌زاره‌تا بازرگانی و پیشه‌سازییا حكومه‌تا هه‌رێما كوردستانێ, ئەڤرۆ ل ئاماده‌ییا دهۆك یا كچان پرۆسا كاراكرنا كارتا ئه‌لكترۆنی یا ئاهێن خوارنێ ده‌ستپێكر.
ئه‌ڤ پرۆسه هه‌ر ژ ئه‌ڤرۆكه ده‌سپێكر و بۆ دەمێ دوو هه‌یڤان دێ یا به‌رده‌وامبیت و 147 قوتابخانه وه‌كو بنگه‌هـ بۆ ئەڤێ مه‌به‌ستێ یێن هاتینه دابینكرن، ژوان 12 بنگه‌هـ ل سه‌نته‌رێ پارێزگه‌هێ ، بۆ زانین پشتی وه‌رگرنا ئەڤێ كارتێ ژ ده‌ڤ بریكاری، پێدڤییه سەرۆك خێزان هەمی ناسنامێن خێزانا خۆ دگەل پلێتا خۆ یا ئەلکترۆنی دگەل خۆ ببه‌نه نێزیكترین بنگه‌هـ بۆ كاراكرنا وێ كارتێ و كارمه‌ندێن بنگه‌هان رۆژانه هه‌ر ژ دەمژمێر 8ێ سپێدێ هه‌تا ٢ێ پشتی نیڤرو دێ د خزمه‌ت دابن.
هەروەسا د كونگره‌یەكێ ڕۆژنامه‌ڤانیدا، هه‌ر ئێك ژ جێگرێ پارێزگاری و رێڤه‌به‌رێ گشتی داخواز ژ وه‌لاتییان كر ب زوترین ده‌م سه‌ره‌دانا وان بنگه‌هان بكه‌ن، دگه‌ل وان پێدڤییان و پێگیربن ب ڕێنمایان دا بشێین ب زویترین دەم مفاداربن.
ناڤێن بنگه‌هێن ل سه‌نته‌رێ پارێزگه‌هێ هاتینه ده‌ستنیشانكرن:
– ئامادەیا دهۆک – ئامادەیا شالین – ئامادەیا جەگەر خوین- قوتابخانا لەپ زێرین – قوتابخانا سییەنا – قوتابخانا خەبات – قوتابخانا سەرۆك – قوتابخانا زڤرین – قوتابخانا رێزان 2 – قوتابخانا ڤەژین -قوتابخانا بەدلیسی – قوتابخانا بلند.
