بانده‌كێ مامه‌له‌كرنێ ب ئامیرێن قوپیایێ و پرسیارێن تاقیكرنان هاته‌گرتن

رێڤه‌به‌رییا ئاسایشا هه‌ولێرێ د راگه‌هاندنه‌كێدا ل دۆر فرۆتنا ئامیرێ ( بلوتووز ) كو بۆ قوپیاكرنێ ژلایێ قوتابیانڤه‌ دهێته‌ بكارئینان دیاركر، ئه‌وان چه‌ند كه‌سه‌ك یێن كو مامه‌لێ ب ڤان ئامیره‌یان دكه‌ن ده‌سته‌سه‌ركرینه‌.

ئاسایشا هه‌ولێرێ به‌لاڤكر، پشتى ژلایێ وه‌زیرێ په‌روه‌ردێڤه‌ هاتینه‌ ئاگه‌هداركرن كو چه‌ند كه‌سه‌ك د تورێن جڤاكیدا ئامیرێن ( بلوتووز ) دفرۆشن، و بانگه‌شه‌ بۆ هندێ كرییه‌ كو دشێن پرسیارێن تاقیكرنێن پۆلا 12ێ ئاماده‌یى ب ده‌ست بێخن، تیمێن وان پلانه‌ك دانا و شیان ناسنامه‌یا چه‌ند تۆمه‌تباران ئاشكرابكه‌ن و ب فه‌رمانا دادوه‌رێ لێكۆلینێن ئاسایشا هه‌ولێرێ هاتنه‌ ده‌سته‌سه‌ركرن، ده‌ست ب سه‌ر چه‌ند ئامیرێن جۆره‌وجۆر یێن قوپیاكرنێدا هاته‌ گرتن، ل ده‌مێن بوورى ژى چه‌ند تومه‌تبار ل سه‌ر هه‌مان تاوان هاتینه‌ ده‌سته‌سه‌ركرن و ره‌وانه‌ى دادگه‌هێ هاتینه‌كرن.