د. خەلیل غازى دۆسكى، ئهندامێ لژنا دارایی ل جڤاتا نوانهرێن عیراقێ بۆ ئاژانسا خانی دیارکر: گهلهك كێشان و ڤهكێشان ههنه و ههر ئێك ل دووڤ بهرژوهندی یێن خوه كارى ل سهر دكهت و ب هیڤینه ل نێزیك بۆ سهرۆكاتییا جڤاتا نوونەران بهێته بلند كرن، نوکە بۆدجه د قووناغێن دووماهییێ دایه و گهنگشه كرن و پێداچوون ل سهر برگه و مادێن بۆدجێ دهێته کرن و ل نێزیك دهێته بلندكرن بۆ سهرۆكاتییا پهرلهمانى بۆ پێداچوونێ ژ روویێ قانوونى، زمانى و سیاسى ڤه و دیاركرنا رۆژهكێ بۆ دهنگدانێ ل سهر بهێتهكرن، پێشبینى دكهین ل نێزیك رۆژهك بهێته دیاركرن و بهێته پهسهندكرن.
ناڤهاتی گۆت ژی: ناكوكى ل سهر بودجەیی بهردهوامى ههیه و ههر ئالییهك ل دووڤ بهرژوهندی یێن خوه بۆ خوه ڤهدكێشیت و هێشتا توندرهوى بهرامبهر ههرێما كوردستانێ ههیه و هندهك ههنه، ل دژى ههر مافهكینه بۆ مللهتێ كورد و حهز ههیه گڤاشتنێن مهزن ل سهر پشكا ههرێما كوردستانێ بهێنه كرن و ب خوشحالى ڤه ههتا نوكه ئێك دهنگ و ئێك ههلویستین بهرامبهر ههر بریارهكا ههبیت د لژنا دارایى دا، ئهڤ دو رۆژه ئانكو 48 دهمژمێرێن داهاتى گهلهك بۆ مه وهك كورد دگرنگن وهك پشكا ههرێما كوردستانێ و نموونهك ژ ئهندامێن پهرلهمانى خوه بهرههڤكرییه، ههم ژ ئهندامێن لژنا دارایى و ل جڤاتێ ژى یێ ههمى بزاڤا دكهن تشتهكى ژ ههرێمێ ڤهكهن، بهرامبهر ههر خالهكا دژى ههرێمێ بیت بێ دهنگ نابین و شهرى ل سهر دكهین و ب ئانههییا خودێ ناهێلین ههر چ ل سهر پشكا ههرێما كوردستانێ دهستورى و قانوونى ههبیت، پشتهڤانییا خودێ و خهلكێ خوه دێ مافێن خهلكێ خوه ژ مووچه خور و كێم دهرامهت و خانهنشین و ههمى بیاڤان دا پارێزین، ئەم ب هیڤى نه پشتى بودجه بهێته پهسهند كرن ئهو تهخ ههمى دێ گهشێ كهن و دێ خزمهتا ئابوورێ ههرێمێ كهن.
