پلاسخارت بۆ لایه‌نێن كوردستانێ : پێدڤییه‌ بله‌ز چاره‌سه‌رییه‌كێ بۆ ئاریشه‌یێن ل پێشییا پرۆسه‌یا هه‌لبژارتنان ببینن

هنارتییا تایبه‌ت یا نه‌ته‌وه‌یێن ئێكگرتى ل عیراقێ راگه‌هاند، هه‌لبژارتنێن په‌رله‌مانێ كوردستانێ گه‌له‌ك گیروبوون، داخواز ژ لایه‌نێن سیاسى كر ل ڤان نێزیكان ل سه‌ر هه‌لبژارتنان بگه‌هنه‌ رێككه‌ڤتنێ و چاره‌سه‌رییێ بۆ ئاریشه‌یێن ل پێشییا پرۆسه‌یا كرنا هه‌لبژارتنان ببینن.

جێنین پلاسخارتێ دكۆمبوبونا جڤاتا ئاسایشا نێڤده‌وله‌تیدا كو یا تایبه‌ت بوو ب ره‌وشا عیراقێ راگه‌هاند، ب بزاڤێن نێچیرڤان بارزانى سه‌رۆكێ هه‌رێما كوردستانێ، حزب ڤه‌گه‌ریانه‌ دانوستاندنان و سه‌رۆكوه‌زیرێن هه‌رێما كوردستانێ و جێگرێ خوه‌ ژه‌ كۆمبوون.

پلاسخارتێ ل دۆر هه‌رێما كوردستانێ گوت: هیڤییا وێ ئه‌وه‌ پارتێن سیاسى بهێنه‌ پێش، جوداهییان بده‌نه‌ لایه‌كى و كار بۆ به‌رژه‌وه‌ندییا گه‌لێ خوه‌ بكه‌ن، ڤه‌گه‌ریانه‌ك بۆ مێژوو‌ یان جوگرافیا كوردستانێ دێ وه‌سا دیاركه‌ت، پێدڤییه‌ بله‌ز چاره‌سه‌رییه‌كا سه‌قامگیر ببینن، هه‌لبژارتنێن كوردستانێ گه‌له‌ك گیروبوون، پاشخستنه‌كا دى دێ زیانێ ب باوه‌رییا رایا گشتى گه‌هینیت.

جێنین پلاسخارتێ ل دۆر ره‌وشا عیراقێ ژى گوت : پێدڤی ب هندێ یه‌ كو لایه‌ن سازشێ بۆ ئێك و دوو بكه‌ن.