ل گۆرەی ڕاگەهاندنەکا وەزارەتا چاندنێ، شەش خال وەکو ڕێکار بۆ بەرهەنگاربوونا تایا خوینبەربوونێ بەلاڤکرینە کو پێکهاتینە ژ ئەڤێن لخوارێ دیارکری:
ئێک: پێدڤیە ئاژەل ل سەربڕخانەیێن فەرمی بهێنە سەربڕین و ب پشکنین و مورا فەرمی یا ڤێرتێرنەری ب چیتە د بازاڕتدا، سەربڕین ب ڕێکێنل کۆلانا و ل سەر ڕێکان قەدەغەیە.
دوو: پێدڤیە بەری سەربڕینێ و پشتی سەربڕینێ پشکنین بۆ ئاژەلان بهێتە کرن، ب مەرەما پشتڕاستبوون ژ ساخلەمییا ئاژەلێن دهێنەسەربڕین.
سێ: پێدڤیە ڕێکارێن ساخلەمییێ بۆ ل بەرخۆ کرنا جلوبەرگێن تایبەت و کەلو پەلێن سەربڕینێ ل سەربڕخانەیان بهێنە بجهئینان.
چار: کەرەنتینێن تایبەت یێن ئاژەلان ل دەرگەهێن سنووری و فرۆکەخانەیان، پێدڤیە پشکنینێن هویر بۆ وان ئاژەلان بکەن کو دهێنە دناڤهەرێما کوردستانێ دا، ب مەرەما پشتڕاستبوون ژ ساخلەمییا ئاژەلان.
پێنج: وەزارەتا چاندنێ دێ ڕێکارێن پێدڤی بجهــ ئینیت ب مەرما دابینکرنا دەرمانێ شویشتنا ئاژەلان بۆ ژناڤبرنا مشەخۆرێن دەرەکی(قڕنە) کو ئەگەرێ سەرەکی یێ ڤەگۆهاستنا ڤایرۆسێ نەخۆشییا تایا خوینبەربوونێ یە دناڤ ئاژەلاندا، ئەڤ هەوە دێ ل سەرانسەەیهەرێما کوردستانێ بیت.
شەش: کۆنترۆڵکرنا دیاردا ئینانا ئاژەلی ب شێوەیەکێ نە فەرمی و ل سنوورێن دەرڤە و دناڤبەرو هەرێما کوردستانێ و عیراقێ دا، هەروەسارێگریکرن ل ئینانا ئاژەلان ژ وان پارێزگەهان کو نەخۆشیا تایا خوینبەربوونێ تێدا بەلاڤبووی.
تایا خۆینبەربوونێ ب چەندین ڕێکان ژ ئاژەلان بۆ مرۆجان دهێتە ڤەگۆهاستن و دبیت مرۆڤ ب سڤکی تووش ببیت و د گەلەک ڕەوشان داژی دبیتە ئەگەرێ گیان ژ دەستدانا مرۆڤی، ڕێکخراوا ساخلەمییا جیهانی ژی دبێژیت:”ڕێژەیا مرنێ دناڤبەرا تووشبوویاندا %10 بۆ %40 یە.
