جێگرا سەرۆكێ پارتا چاكسازییا توركمانی گۆت، سەبارەت راستڤهكرنا قانوونا هەلبژارتنان و پشكدارییا وان د هەلبژارتنان دا، وەکو پێکهاتە ئهم قهبوول ناکەین چ حزب و لایەن ل شوینا مه بریارێ بدهت.
مونا قەهـوەچی، زێدهتر بۆ دیار كر، ئەڤڕۆ پارت و لایەنێن سیاسی یێن تورکمانی ل هەولێرێ ل گەل نوونەرێ نەتەوێن ئێکگرتی ل سەر بابهتێ هەلبژارتنان کۆمبوون.
گۆت ژی: “بڕیارە ئەڤڕۆ شاندێ مەکتەبا سیاسییا پارتی دیموکراتی کوردستان سەرهدانا بارەگههێ پارتا چاکسازییا تورکمانی بکهت و ل گەل 9 حزب و لایەنێن سیاسی یێن تورکمانی کۆم ببن”.
“نەتەوێن ئێکگرتی ل گەل مە د ههڤرابوون، سەبارەت مافێ پێکهاتان د هەڵبژارتنێن پەرلەمانێ کوردستانێ دا، سەرجەم حزب و لایەنێن پشكدار یێن تورکمان، کلدان، سریان، ئاشووری، ئەرمەن چەند جاران تهكهزی ل هندێ كرینه” كو ئهو د ئامادەنه پشكدارییێ د هەلبژارتنێن ئێک بازنەیی دا بکەن، دیسان د كۆمبوونا ل گەل دەستەیا سەرۆکاتییا پەرلەمانی مه داخواز کرییه کو ئهم رێگرین ل هندێ كو چ حزب ل شوینا پێکهاتان بڕیارێ بدهن.
