هوشدارییه‌ك ژ گۆگلى

كۆمپانییا گۆگل سیاسه‌تا خوه‌ نووكریه‌ و دێ وان ئه‌كاونتان گریت یێن كو بۆ ماوێ دوو سالانه‌ نه‌هاتینه‌ بكارئینان.

ل حه‌فتییا بوورى كۆمپانییا گۆگلى ل سه‌ر وى بنه‌ماى سیاسه‌تا خوه‌ نووكرییه‌، ده‌مێ خه‌لك خزمه‌تگوزاییه‌كێ ل ئۆنلاینى بكاردئینیت دڤێت سلامه‌تییا وێ یا پاراستى بیت، بۆ ڤێ مه‌ره‌مێ ژى ته‌كنۆلۆجیا یا نوو بۆ پاراستنێ ژ گه‌فان بكارئینایه‌ ژ وان ژى، سپام و ده‌رخستنا ئه‌كاونتى ژ ده‌ستێن خۆدانى.

گۆگل دبێژیت: مه‌ترسییه‌كا زێده‌تر ل سه‌ر وان ئه‌كاونتایه‌ یێن بۆ ماوێ گه‌له‌كێ درێژه‌ كو گه‌هشتییه‌ دوو سالان نه‌هاتینه‌ بكارئینان، كۆمپانییێ لێكۆلینه‌ك كرییه‌ و بۆ ده‌ركه‌ڤتییه‌، ئه‌و ئه‌كاونتێن هاتینه‌ پشتگوهـ هاڤێتن، مه‌ترسیا ل سه‌ر وان ب كێماتى 10 جاران هندى یا وان ئه‌كاونتایه‌ یێن دهێنه‌ بكارئینان.

هه‌ر ئه‌كاونته‌كێ بۆ ماوێ دوو سالان نه‌هاتبیته‌ بكارئینان، هاككه‌ر دێ شێن ب ساناهیتر زانیارییێن وى ئه‌كاونتى ب دزن و بۆ مه‌ره‌كا دى بكاربینن كو دێ دبیته‌ گه‌ف ل سه‌ر ئاسایشا ئینته‌رنێتێ و ئاسایشا خۆدانێ ئه‌كاونتى.