فارس عیسا: بەغدا 200 ملیار دینارێن دیتر ئێخستنە سەر هژمارا وەزارەتا داراییا هەرێمێ

ئاژانسا خانی:

حکومەتا عێراقێ 200 ملیار دینارێن دیتر بۆ مووچێ فەرمانبەران ئێخستنە سەر هژمارا وەزارەتا دارایی و ئابوورییا حکومەتا هەرێما کوردستانێ.

فارس عیسا، سەرۆکێ نوونەراتییا حکومەتا هەرێما کوردستانێ ل بەغدا بۆ ئاژانسا خانی دیار کر: ئەڤرۆ بەغدا 200 ملیار دینارێن دیتر ژ بانکا رەشید ئێخستنە سەر هژمارا وەزارەتا دارایی و ئابووری، ل بانکا ناڤەندی لقا هەولێرێ، وەکو پشکا دووێ یا مووچەیێ فەرمانبەرێن  هه‌رێما کوردستانێ.