ئەڤرۆب سەرپەرشتییا مەسرور بارزانی، سەرۆكێ حكومەتا هەرێما كوردستانێ و ب ئامادەبوونا قوباد تالەبانی، جێگرێ سەرۆکێ حکومەتێ، كۆمبوونەكا تایبەت ب ڕێکخستنا داراییا گشتییا هەرێما کوردستانێ هاتەكرن.
د كۆمبوونێدا، دانوستاندن لدۆر داڕشتنا میكانزما تایبەت ب ڕێكخستنا داهات و خەرجییێن گشتی ل سەرانسەری هەرێما كودستانێ هاتەكرن و دووپات ل دابینکرنا مووچەی و خەرجییێن سیادی، ژ کارێن دەستپێكی یێن حکومەتا هەرێما کوردستانێ نە، هەمی خەرجییێن دی پێدڤییە ب شێوەیێ دادپەروەرانە و ل سەر بنەمایێ هژمارا ئاكنجییان ل پارێزگەهـ و ئیدارەیێن سەربەخۆ بهێنە دابەشكرن.
پشتی دانوستاندنێ بڕیار هاتەدان، هەمی ژێدەرێن داهاتی ل هەمی هەرێمێ بكەڤنە د ئێك حسابا بانكێدا و دووماهیك ئینان ب دابەشكرنا ڕێژەیی.
هەروەسا بڕیار هاتەدان، هەر زوی پێكڤەگرێدانا بانک و گەنجینەیا هەرێما کوردستانێ ب ڕێكا سیستەمەكێ ئەلکترۆنی بهێتە بجهئینان، بۆ پاراستنا داهاتێ گشتی و پێشڤەبرن ب شەفافیەتێ د داهات و خەرجییان ب ئاراستەیێ داڕشتنا پلانا خەرجییێ ب مەرەما هاڤسەنگییێ د ناڤبەرا داهات وخەرجییان.
