هندرین محه‌مه‌د: بریارا كاراكرنا كۆمسیۆنێ پێنگاڤه‌كا گه‌له‌كا گرنگ بوو

ئاژانسا خانی:

سه‌رۆكێ كۆمسیۆنا بلندا سه‌ربه‌خۆیا هه‌لبژارتن و راپرسییێ ل هه‌رێما كوردستانێ ئاشكرا كر، بریارا كاراكرنا كۆمسیۆنێ ژ لایێ په‌رله‌مانێ كوردستانی ڤه‌”  پێنگاڤه‌كا گه‌له‌ك گرنگ بوو” هه‌روه‌سا ئه‌م لدووڤ قانوونێ كارێ خۆ دكه‌ین و د هه‌مان ده‌مدا” مه‌ ده‌ست ب به‌ر‌هه‌ڤییان كرییه‌ بۆ ئه‌نجامدنا هه‌لبژارتنێن په‌رله‌مانێ كوردستانێ ل 18/11/2023 ێ” هه‌روه‌سا تۆمارا بایۆمه‌تری یا هه‌لبژارتنێن عیراقێ گه‌له‌ك یا باشه‌ و ئه‌و تۆمارا بایۆمه‌تری یا پاقژه‌ و دێ بۆ هه‌لبژارتنێن په‌رله‌مانێ كوردستانێ ژی هێنه‌ ب كارئینان.

هندرین محه‌مه‌د، زێده‌تر بۆ ئاژانسا خانی دیار كر: ئه‌ڤرۆ كۆمسیۆنا بلندا سه‌ربه‌خۆیا هه‌لبژارتن و راپرسییێ ژ لایێ په‌رله‌مانێ كوردستانێ ڤه‌ هاته‌ كاراكرن و ئه‌ڤه‌ پێنگاڤه‌كا گه‌له‌كا گرنگ بوو هاتییه‌ هاڤێتن، دیسان ئه‌م وه‌كو كۆمسیۆن ژی نوكه‌ به‌رهه‌ڤییان دكه‌ین ژ بۆ ئه‌نجامدانا هه‌لبژارتنێن په‌رله‌مانێ كوردستانێ.