روونكرنه‌ك ده‌ربارەیی دەنگۆیێ برینداربوونا سەرۆك كۆمارێ عێراقێ دهێته‌ دان

فەرمانگەها راگەهاندنا سەرۆكاتییا كۆمارا عێراقێ گۆت، هنده‌ك دەزگه‌هێن ڕاگەهاندنێ و سۆشیال میدیایێ، نووچه‌كێ نه‌راست به‌لاڤه‌ كرییه‌ و به‌حسێ هندێ دكه‌ن كو سەرۆك کۆمار د. لەتیف جەمال ڕەشید ل ده‌مێ هاتنا خوارێ ژ فرۆكێ ئازار گەهشتییێ و بریندار بوویە، لەوما ئه‌م ته‌كه‌ز دكه‌ین كو ئه‌و نووچه‌ یێ دووره‌ ژ راستییێ، ساخله‌مییا سەرۆك کۆماری یا باشه‌ و نوكه‌ ل سەرۆکاتییا کۆماری دا ئەرکێن خۆ بجهـ دئینیت.

گۆت ژی ” یا ڤه‌شارتی نینه‌ كو ژێده‌رێ وان نووچه‌یان و ئارمانجێن وان د ئاشکرانه‌ و ڕەفتاره‌كا نه‌ بەرپرسانه‌ دكه‌ن، بۆ ڤێ چه‌ندێ ژی ئه‌م دێ پابەند بین بۆ گرتنه‌به‌را رێكارێن قانوونی” داكو رێگریییێ ل ڤان كاران بكه‌ین.