د. نهوزاد هێتۆتی” مامۆستایێ زانستێن سییاسی ل زانكۆیا سهلاحهدین ل ههولێرێ” بۆ ئاژانسا خانی دیار كر: بابەتێ کاراکرنا کومیسیۆنا هەلبژارتنان بۆ هندێیە هەلبژارتنێن هەرێمێ جارەکا دی پاش نەکەڤن و چ پەیوەندی ب وان خالان ڤە نینە یێن کو دناڤبەرا لایەنان دا ناکوکی ل سەر هەین، ههروهسا ئەو ئاریشێن هەین پتر پەیوەندی ب قانوونا هەلبژارتنان ڤە هەیە و هەر چەندە ل سەر پرانییا خالان رێککەفتن هاتییە کرن و ب تنێ بابەتێ پێکهاتان ئێکلا نەبوویە.
ناڤهاتی گۆت ژی: پرسیار ئەوە بۆچی ئێکەتی دژایەتییا کارا کرنا کۆمیسیونا هەلبژارتنان دکەت و ل دەمەکێ کارا کرنا وێ چ پەیوەندی ب وان ناکوکیانڤە نینە یێن هەین؟، ئارمانجا ئێکەتییێ ژ دژایەتیکرنا کاراکرنا کۆمسیونێ بۆ دو خالێن سەرەکی ڤەدگەریت، خالا ئێکێ ئێکەتییێ هەر د بنەرەت دا نەڤێت هەلبژارتن بهێنە کرن و وێ دڤێت ب هەر رەنگەکێ بیت بهێنە پاشخستن بۆ سالا بهێت و ئیران ژی پشتەڤانییێ ل وێ ئاراستێ دکەت، خالا دووێ ئەوە، ئەگەر ب نەچاری ژی هەلبژارتن بهێنە کرن، ئێکەتییێ دڤێت کۆمیسیونا عێراقێ وان هەلبژارتنان بکەت، نەکو کۆمیسیونا هەرێمێ، چونکی کۆمیسیونا عێراقێ دۆستێن ئێکەتییێ نە و کاریگەرییەکا مەزن ل سەر هەیە و سەرۆكێ وێ کۆمیسونێ ژی سەر ب وێ حزبێ ڤەیە، هەروەسا ئەگەرەکێ زۆر هەیە ئێکەتی بەرنامەکێ وەسا هەبیت پێش کارا کرنا کۆمیسیونێ دادگەها فیدرالی دەمێ درێژکرنا پەرلەمانی ب نەیاسایی ل قەلەم بدەت بۆ هندێ نەشێت کۆمیسونا هەرێمێ بهێتە کارا کرن، بەلێ پارتی ئەڤ دەرگەهە ژی داخست
