بریکارێ وەزارەتا خواندنا بلند: 30 زانکۆیێن ئەھلی ل هه‌رێما كوردستانێ ھەنە

ئاژانسا خانی ” تایبەت:

بریکارێ وەزارەتا خواندن و ڤەکۆلینێن زانستی دیار كر، ل ھەرێما کوردستانێ 30 زانکۆیێن ئەھلی ھەنە و دانا مۆھلەتێ ب زانکۆیێن ئەھلی نەھاتییە راگرتن.

د. عەبدولفەتاح عەبدولڕەزاق، بریکارێ وەزارەتا خواندنا بلند بۆ ئاژانسا خانی دیارکر” ل ھەرێما کوردستانێ 30 زانکۆیێن ئەھلی و ھژمارەک پەیمانگەھێن تایبەت ھەنە بۆ وەرگرتنا قوتابیان ل سەرانسەری ھەرێما کوردستانێ کو ھەموو گرێدایی وەزارەتا خواندنا بلند و ڤەکۆلینێن زانستینە و لدووڤ رێنمایێن حوکمەتێ کار دکەن، سالانە د چارچۆڤێ پلانا وەرگرتنا قوتابیان ژلایێ زانکۆ پەیمانگەھێن ئەھلی قوتابی دھێنە وەرگرتن.

ناڤهاتی گۆت ژی” مۆھلەتا ڤەکرنێ ب چو زانکۆیەکا ئەھلی نەھاتییە دان ھەر چەندە ھەر کەسەکێ پرۆپۆزەلەکێ پێشکێش بکەت ماف ھەیە بۆ وەرگرتنا ڤەکرنا زانکۆیا ئەھلی و دانا مۆھلەتا نەھاتییە راگرتن، بەلێ ھەبوونا زانکۆیێن نوکە بەھرا وەرگرتنا قوتابیان دکەن و پێدڤی ب ڤەکرنا زانکۆیێن دی نینە.