نوونەرێ حکومەتا هەرێما کوردستانێ ل فەرماندەییا هێزێن
هه‌ڤپشكێن عێراقێ دیار كر: پشتی چه‌ندین بزاڤێن وان ل گه‌ل حكومه‌تا عیراقێ، سه‌رۆك وه‌زیرێن عیراقێ بریاره‌ك ده‌رێخست” كو پێدڤییە هێزێن هه‌ڤپشكێن عێراقێ ل ده‌ڤه‌رێن کوردستانی یێن دەرڤەیی ئیدارا هەرێما کوردستانێ جۆتیارێن کورد بپارێزن، نوكه ئه‌و بریارە چوویه د بیاڤێ بجهئینانێ دا و جۆتیارێن كورد بێ ئاریشه دێ شێن کارێ خۆ کەن و هه‌تانوكه ده‌خلودانێ چ جۆتیارێن كورد نه‌هاتینه سۆتن و دشێن بی ئاریشه كارێ دروینێ بكه‌ن.
لیوا عەبدولخالق تەلعەت، زێده‌تر بۆ ئاژانسا خانی گۆت: پشتی چەندین کۆمبوونان سەرۆک ئەرکانێ هێزێن پێشمەرگەیێ كوردستانێ ل گەل بەرپرسێن سەربازی و ئەمنی ل بەغدا شییان بڕیاره‌كێ بده‌ن” كو ژلایێ سەرۆک وەزیرێن عێراقێڤە کو فەرماندێ گشتی یێ هێزێن چەکدارانه ل عێراقێ بۆ پاراستنا وان جۆتیارێن دەخلودانێ وان کەفتییە ده‌ڤه‌رێن کوردستانی یێن دەرڤه‌یی ئیدارا هەرێما کوردستانێ، له‌وما هەموو هێزێن هه‌ڤپشك ل وان ده‌ڤه‌ران ل کەرکووک و دیالە و مووسل و مه‌خمۆر پێدڤییە جۆتیارێن كورد بپارێزن ده‌مێ کاره‌كێ دروینێ، یان چاندنێ دكه‌ن .
ناڤهاتی گۆت ژی: ل ده‌ستپێكا ڤێ هه‌یڤێ کاره‌كێ باش و جددی ل سەر ڤی بابه‌تی هاتییه كرن و ئەڤه بوویه ئه‌گه‌رێ هندێ كو جۆتیارێن وان سنووران بێ ئاریشه وەرزی دروینێ دەست پێ بکەن و کارێ چاندنێ بكه‌ن و ئەرکێ هێزێن هه‌ڤپشكێن عێراقێ ئه‌وه وان بپارێزن.
