رێژا وەرگرتنا گەنمێ جۆتیارێن هه‌رێمێ دێ ھێتە زێدە کرن

ئاژانسا خانی ” تایبەت:

بەرپرسەکا وەزارەتا چاندنێ ئاشکرا کر، بڕیارە رێژا وەرگرتنا بەرھەمێ گەنمێ جۆتیارێن ھەرێما کوردستانێ بھێتە زێدە کرن و بەری نوکە ژی مە داخوازکربوو پتری 500 ھزار تەنێن گەنمی بھێنە وەرگرتن.

د. زێدا محەمەد، رێڤەبەرا گشتییا پلاندانانێ ل وەزارەتا چاندنێ بۆ ئاژانسا خانی دیار کر” حوکمەتا ھەرێما کوردستانێ یا رژدە لسەر پشتەڤانیکرنا جۆتیاران، ب تایبەتی بۆ کڕینا بەرھەمێ گەنمێ ئەڤ سالە، لەوما سەرۆکێ حوکمەتێ جۆتیار پشتڕاستکرینە ئەگەر حوکمەتا بەغدا ژی ھەموو بەرھەمێ جۆتیاران نەکڕیت” دێ ژلایێ کەرتێ تایبەت ل ھەرێما کوردستانێ ھێتە وەرگرتن، بەری چەند رۆژان مە سەرەدانا بەغدا کر و رێژا ھەرێما کوردستانێ ھاتە دیارکرن کو 375 ھزار تەن ل ھەرێما کوردستانێ بھێنە وەرگرتن.

ناڤهاتییێ گۆت ژی” وەکو ھەرێما کوردستانێ ئەم نه‌ درازینە ب ڤێ رێژا وەرگرتنا گەنمی یا ھاتییە دیار کرن، ئه‌م ل گەل لژنا بلندا وەرگرتنا گەنمی ل عێراقێ رێکكەفتینە، کو ئەگەر بەرھەمێ گەنمێ جۆتیارێن ھەرێما کوردستانێ زێدەتر بیت ژ وێ رێژا ھاتییە دیارکرن بۆ وەرگرتنا گه‌نمی.