تا ڕۆژا شەمبی دەنگدان بۆ پڕۆژە یاسایا بودجەی دێ ب دوماهی هێت

ژێدەرەکی ژ جڤاتا نوونەرێن عیراقێ بۆ ئاژانسا خانی ڕاگەهاند، ئێڤاریا ئەڤرۆ، پڕۆژە یاسایا بودجێ تەمامبوو و ژ لایێ لژنا دارایی ڤە هاتە ڕەوانەکرن بۆ سەرۆکایەتیا جڤاتا نوونەرێن عیراقێ دا کو دەنگ ل سەر بهێتە دان.

دەربارەی ماددێن 13-14 یێن گرێدای پشکا هەرێما کوردستانێ ژ بودجەیا گشتی یا عیراقێ وی ژێدەری دیارکر، ماددێن 13-14 یێن کو دەستکاری تێدا هاتبوونە کرن و نە ڕازیبوونا حکومەتا هەرێما کوردستانێ ل دووڤ خۆ ئینابوو، ل گۆرەی ڕێککەڤتنا هەولێرێ و بەغدا گۆهڕین ب سەردا هاتینە کرن.

گۆتژی:”چاڤەڕێ دهێتە کرن تا ڕۆژا شەمبی دەنگدانا دوماهییێ بۆ پڕۆژە یاسایا بودجێ بهێتە کرن و ژ لایێ جڤاتا نوونەرێن عیراقێ ڤە دەنگ ل سەر بهێتە دان و بهێتە پەسەندکرن.”