ل رۆژا سێشەمبی دادگەها بلند یا فیداڕالی یا عیراقێ دێ کۆمبیت و بڕیارا دوماهیێ ل سەر درێژکرنا تەمەنێ پەرلەمانێ کوردستانێ دەت.
ل گۆرەی خشتەیێ کۆمبوونێن دادگەها بلند یا فیدڕالی یا عیراقێ، بڕیارە ل ڕۆژا سێشەمبی 30 گۆلانا 2023، دادگەها ناڤهاتی جارەکا دی ل سەر سکالایەکا یاسیبوون یان نە یاسیبوونا درێژکرنا تەمەنێ پەرتلەمانێ کوردستانێ کۆمببیت، کو ئەو سکالایە ل دژی سەرۆکا پەرلەمانی هاتیە تومارکرن و داخواز هاتیە کرن کو یاسایا درێژکرنا خولا پێنجێ یا پەرلەمانێ کوردستانێ بهێتە هەلوەشاندن.
24 گۆلانێ ، دادگەها فیدراڵی ڕوونشتنا خۆ یا هەشتێ دەربارە تان لێدانا درێژکرنا تەمەنێ پەرلەمانێ کوردستانێ ئەنجامدا و د ڕوونشتنێدا گوهدارییا کۆمسیوونا بلند یا سەربەخۆ یا هەلبژارتنێن عیراقێ کر، بۆ زانینا ڕۆل و شیانێن وان بۆ ئەنجامدانا پرۆسەیا هەلبژارتنێن هەرێمێ.
ئەڤە ددەمەکیدایە، 9 چریا ئێکێ یا سالا 2022، پەرلەمانێ کوردستانێ ب زۆرینەیا دەنگێن پەرلەمانتاران تەمەنێ ئەڤێ خۆلا پەرلەمانی تا دوماهییا سالا 2023 درێژکر، ددەمەکیدا کو خولا پێنجێ ل 6 چریا دووێ یا سالا 2022 ب دوماهی هات.
