وەیسی سەعید: پارتی دیمۆکراتی کوردستان یا رژدە ل سەر ئەنجامدانا ھەلبژارتنان

ئاژانسا خانی:

ئەندامەکێ پەرلەمانێ کوردستانێ دبێژیت، پشتی کاراکرنا کۆمسیۆنێ ھەموو رێکارێن قانوونی ب دووماھی ھاتینە و پێدڤییە کۆمسیۆن بەرھەڤییان بکەت بۆ ئه‌نجامدانا پرۆسا ھەلبژارتنان ل ھەرێما کوردستانێ.

وەیسی سەعید، پەرلەمانتارێ فراکسیۆنا پارتی ل پەرلەمانێ کوردستانێ بۆ ئاژانسا خانی دیارکر” کۆمسیۆنا سەربه‌خۆیا ھەلبژارتنان ژلایێ پەرلەمانیڤه‌ ھاتییە کاراکرن و ھەردو ئەندامێن نوو ژی ل ھەمبەری جڤاتا دادوەرییێ سویندا قانوونی خوارییە، ھەموو رێکارێن کاراکرنا کۆمسیۆنا ھەلبژارتنان ب دووماھی ھاتینە و نوکە کۆمسیۆنەکا کارا ھەیە ژلایێ قانوونیڤه‌ ل ھەرێما کوردستانێ.

ناڤهاتی گۆت ژی” ئەرکێ کۆمسیۆنێیە بەرھەڤیان بکەت بۆ ئەنجامدانا ھەلبژارتنێن ئەڤ سالە” کو بریارە ل 18/11/2023ێ بهێنه‌ كرن، چونکی مەرەم ژ کاراکرنا کۆمسیۆنێ ئه‌وه‌ كو بەرھەڤی بۆ ھەلبژارتنان بھێنە کرن و نەھێتە پاشخستن، ھەموو بزاڤەک دھێتەکرن بۆ ئه‌نجامدانا ھەلبژارتنان، ب تایبەتی ژی پارتی دیمۆکراتی کوردستان یا رژدە ل سەر ئەنجامدانا ھەلبژارتنان چەندین پێشنیارێن لایەنێن سیاسی ژی قەبوولکرینە ب مەرەما رێڤەچوونا ھەلبژارتنان.