<h3 style="text-align: justify;"><span style="font-size: 18pt;">ڤه‌كۆلینه‌ك ل ئوسترالیا دیاردكه‌ت، هه‌تا سالا 2050یێ ژمارا توشبوویێن پشت ئێشانێ زێده‌بیت و دێ 800 ملیۆن كه‌س ل جیهانێ تووشى پشت ئێشانێ بن.</span></h3> <h3 style="text-align: justify;"><span style="font-size: 18pt;">ڤه‌كۆله‌رێن زانكۆیا سیدنى ل ئوسترالیا راگه‌هاند، زێده‌بوونا كه‌یسێن پشت ئێشانى ژبه‌ر نه‌رێكوپێكییا شێوازێ ژیانێ و زێده‌بوونا ب ناڤ سال چوویانه و سه‌رپه‌رپشتا ڤه‌كۆلینێ دبێژیت، ده‌رئه‌نجامێن ڤه‌كۆلینێ دیاردكه‌ن كو پێدڤییه ساخله‌مییا نیشتیمانییا جیهانێ رێكه‌چاره‌یه‌كا خۆپارێزییێ ل پشت ئێشانى ببینیت.</span></h3> <h3 style="text-align: justify;"><span style="font-size: 18pt;">دڤه‌كۆلینێدا ده‌ركه‌ڤتییه، د شه‌ش سالێن بووریدا ژماره‌یا ئه‌وێن پشت ئێشان هه‌ى گه‌هشته 500 ملیۆن كه‌سان، كو ب تنێ ل 2020ێ نێزیكى 619 ملیۆن كه‌س تووشى پشت ئێشانى بوون.</span></h3> <h3 style="text-align: justify;"><span style="font-size: 18pt;">پرۆفیسۆر مانوێلا فێرێرا سه‌رپه‌رشتا ڤه‌كۆلینێ گوت: سێ چارێكێن په‌ككه‌ڤتنێ ژبه‌ر پشت ئێشانى په‌ككه‌ڤتینه و ئه‌گه‌ر ژى نه‌رێكییا ژیانێ یه، وه‌كو جگاره كێشان، نه‌رگیله كێشان، قه‌له‌وى، كێمییا چالاكییا جه‌سته‌یى، هه‌ڤده‌م دبێژیت : پشت ئێشان دناڤ مرۆڤ ب ناڤ سال ڤه چوویدا گه‌له‌ك یا به‌ربه‌لاڤه و به‌هرا پتر ژن تووش دبنێ.</span></h3> <h3 style="text-align: justify;"><span style="font-size: 18pt;">ڤه‌كۆلین ل كۆڤارا لانسێتییا نوشدارى هاتییه به‌لاڤكرن و ئاشكرا دكه‌ت، ل سالا 2050یێ وه‌لاتێن ئاسیا و ئه‌فریكا پترین رێژه‌یا تووشبوونێ دێ لێ هێته تۆماركرن.</span></h3>
