دۆنالد ترەمپ: سێ بژاردەیێن گەلەک باش لبەر دەستێن منن بۆ سەرکرداتییا نوو یا ئیرانێ

دۆنالد ترەمپ، سەرۆکێ ئەمریکا ڕاگەهاند: هێرشێن سەربازی یێن وەلاتێ وی بۆ سەر ئیرانێ ئەگەر پێدڤی بکەت دێ بۆ ماوێ “چار هەتا پێنج حەفتیان” بەردەوام بن، هەروەسا سێ بژاردە بۆ دەسهەلاتا نوو ل تەهرانێ ل بەر دەستن و گۆت: “ئیران ب شێوەکێ گەلەک بەرچاڤ لاواز بوویە.”

د هەڤپەیڤینەکێ دا دگەل ڕۆژنامەیا (نیویۆرک تایمز)، دۆنالد ترەمپ دیار کر: بۆ ئەمریکا و ئیسرائیلێ نەیا ب زەحمەتە هێرشێن خۆ بەرفرەهـ بکەن، مە تەقەمەنییەکا ئێکجار زۆر ل هەموو جیهانێ و ل وەلاتێن جودا هەیە.

سەبارەت پاشەرۆژا سیاسییا ئیرانێ پشتی کوشتنا عەلی خامنەیی، ترەمپ چەند سیناریۆیەک پێشکێشکرن؛ ئێک ژ وان چەڤلێکرنا “مۆدێلا ڤەنزوێلا” یە، کو تێدا ب تنێ سەرکردێن بلند دهێنە لادان و دامەزراوێن دی یێن دەولەتێ دمینن داکو دگەل واشنتۆن کار بکەن، ترەمپ زێدەتر گۆت: “ئەوا مە ل ڤەنزوێلا کری، سیناریۆیەکا بێ وێنە و تەمام بوو.”

سەرۆکی ئەمریکا گۆت ژی، سێ “بژاردەیێن زۆر باش” لبەردەستن بۆ سەرکرداتییا نوو یا ئیرانێ، بەلێ یێ ئامادە نەبوو ناڤەرۆكا وان ئاشکرا بکەت و گۆت: ل دەستپێكێ دا کارێ خۆ تەمام بکەین.”